Henri Matisse

...

Henri Matisse
Vida
Nacimientu	Le Cateau-Cambrésis, 31 d'avientu de 1869
Nacionalidá	Francia
Fallecimientu	Niza, 3 de payares de 1954 (84 años)
Causa de la muerte	infartu de miocardiu
Familia
Fíos/es	ver Jean Gérard Matisse Pierre Matisse
Estudios
Estudios	Escuela Nacional Superior de Belles Artes Académie Julian
Llingües	francés
Alumnu/a de	Gustave Moreau
Oficiu
Oficiu	pintor, escultor y grabador
Participante Documenta 1
Trabayos destacaos	La Danza Blue Nude Blue Nude II
Premios	ver Caballeru de la Lexón d'Honor
Miembru de	Artists Rights Society Academia Nacional de Bellas Artes de Argentina
Movimientu	Impresionismu divisionismo fovismo
Xéneru artísticu	Colax
Creencies
Relixón	ateísmu
IMDb	nm2196327

Henri Matisse o Henri-Émile-Benoît Matisse (Le Cateau-Cambrésis, 31 d'avientu de 1869 - Niza, 3 de payares de 1954) foi un pintor, escultor y diseñador francés que rescampló por un emplegu carauterísticu del color y por un dibuxu fluyíu, rellumante y orixinal. Como dibuxante, grabador y escultor, pero principalmente como pintor, Matisse ye ún un de los artistes más importantes del arte modernu. Ye, amás, consideráu como'l máximu representante del fauvismu, estilu qu'abarca los sos primeros años, tamién ye aclamáu como unu de los representantes de la tradición clásica de la pintura francesa.

Primero trabayó un estilu académicu y llueu emplegará l'impresionismu, el puntillismu, y el fauvismu; siempre, dientro d'una mesma heterodoxa. En 1917 entama una etapa naturalista, de colores claros y lluminosos. Más alantre tornará a guetar la simplificación, con acordes cromáticos nuevos y más fuercia na llinia y el color. Darréu acentuará l'audacia de los colores fuertes, por contraste de tonos o afitando una unidá del color. Hasta la fin de la so vida prauticará téuniques como la del Papier collé. Tamién prauticará'l dibuxu a llapiceru y la pluma. Como grabador tien más de quinientes obres catalogaes en diferentes téuniques, y tien ilustraes tamién importantes obres lliteraries franceses.