Hamani Diori

De Wikipedia
Saltar a navegación Saltar a la gueta
Hamani DioriPicto infobox character.png
Hamani Diori 1968b.jpg
Logo de l'Assemblée nationale française.svg
miembru de la Asamblea Nacional francesa


European Parliament logo.svg
eurodiputáu


President of Niger Traducir

Vida
Nacimientu Soudouré Traducir6  de xunu de 1916
Nacionalidá Flag of Niger.svg Níxer
Bandera de Francia Francia
Llingua materna francés
Fallecimientu

Rabat23  d'abril de 1989

(72 años)
Familia
Casáu/ada con Aïssa Diori Traducir
Estudios
Estudios École normale supérieure William Ponty Traducir
Llingües francés
Oficiu
Oficiu políticu
Llugares de trabayu Estrasburgu y Bruxeles
Creencies
Relixón Islam
Partíu políticu Rassemblement Démocratique Africain Traducir
Cambiar los datos en Wikidata

Hamani Diori, (Soudouré, 6 de xunu de 1916 - Rabar, Marruecos, 23 d'abril de 1989), políticu de Níxer, presidente del so país ente 1960 y 1974.

Fíu d'un funcionariu de salú pública djerma de l'alministración colonial francesa, nació nun pobláu a 12 kilómetros de la ciudá de Niamey. Tres los sos estudios de formación como profesor na Escuela William Ponty (Escuela Normal Federal de la AOF), en Dakar, Senegal, trabayó como profesor nes escueles rexonales del so país ente 1936 y 1938, y dempués foi instructor de les llingües zarma y ḥausa nel Institutu d'Estudios d'Ultramar en París, Francia.

En 1946 foi unu de los fundadores del Partíu Progresista nigerino, caña llocal del Rassemblement démcoratque africain (RDA). Nel cursu d'esi mesmu añu, foi escoyíu diputáu en representación del Níxer na Asamblea Nacional francesa. Nes eleiciones de 1951, Diori conoció la derrota a manes del so primu y rival políticu, Djibo Bakary, y dempués foi reelexíu nuevamente pa l'Asamblea en 1956, siendo'l diputáu escoyíu por amplia ventaya polos eleutores.

En 1958, nel momentu del referéndum qu'alcordó a les comunidaes d'ultramar poner en funcionamientu un gobiernu responsable del territoriu, Diori fixo campaña pol Sí, y convirtióse en presidente del gobiernu provisional, y dempués en primer ministru en 1959. Nesa dómina, el gobiernu francés prohibió tolos partíos políticos, y el PPN-RDA, llevó conducentemente a Níxer al estáu de partíu únicu.

El 11 de payares de 1960, l'Asamblea Nacional nigerina (onde namái se topaba representáu'l so partíu) otorgó'l puestu de presidente de la República a Diori, depués de la independencia del país el 3 d'agostu d'esi añu. Mientres el so réxime, el gobiernu de Diori favoreció a los samaria (estructures tradicionales que reagrupaben a moces de dambos sexos) y a los intereses del partíu, calteniendo al empar estrechos llazos económicos con Francia. Foi reelecto ensin oposición en 1965 y 1970.

Ganó'l respetu del mundu pol so rol como voceru de los asuntos africanu y árbitro popular nos conflictos qu'implicaben a otres naciones d'esi continente. Sicasí, la so alministración tuvo enllordiada por una fuerte corrupción. Una catastrófica fame espandida por tol país foi la resultancia del deterioru del Sahel a empiezos de la década del 70. Los desordes civiles fueron siguíos por acusaciones d'esviaciones de los stocks d'ayuda alimentaria por dellos ministros. Per otra parte, el gobiernu nun podía poner n'aplicación les reformes tan necesaries nin solliviar la fame presente nel país dende 1968. Diori foi, ensin dulda, víctima de la desatamañada importancia qu'asignaba a les cuestiones internacionales, que distraxeron la so atención de les temes interiores inmediatos. Lo que verdaderamente contribuyó a entainar a los militares pa faer cayer el so réxime.

El 15 d'abril de 1974, un golpe d'Estáu derrocó al réxime de Diori, lleváu a cabu pol llugarteniente-coronel Seyni Kountché, daquella xefe del Estáu mayor. Tolos responsables del so réxime fueron deteníos. La primer dama, Aïchatou Diori, foi asesinada, y Diori foi encarceláu mientres 6 años en Zinder, y dempués calteníu so llibertá xixilada en Niamey ente 1980 y 1987.

Foi lliberáu en 1987 pol socesor de Kountché, Ali Seibou, pocu dempués del so accesu al poder. Diori dexó'l so país ya instalóse en Marruecos, onde morrió dos años más tarde.


Predecesor:
Nengunu
Presidente de Níxer
1960-1974
Socesor:
Seyni Kountché




Hamani Diori