Estrasburgu

Coordenaes: 48°34′24″N 7°45′08″E / 48.5733°N 7.7522°E / 48.5733; 7.7522
De Wikipedia
Estrasburgu
coat of arms of Strasbourg (en) Traducir
y
Alministración
PaísBandera de Francia Francia
Organización territorial Francia metropolitana
RexónBandera de Gran Este Gran Este
Departamentu Baxu Rin
Tipu d'entidá comuña de Francia
Alcaldesa d'Estrasburgu Jeanne Barseghian
Nome oficial Strasbourg (fr)[1]
Stroßburi (gsw-fr)
Nome llocal Strasbourg (fr)
Códigu postal 67000, 67100 y 67200
Xeografía
Coordenaes 48°34′24″N 7°45′08″E / 48.5733°N 7.7522°E / 48.5733; 7.7522
Estrasburgu alcuéntrase en Francia
Estrasburgu
Estrasburgu
Estrasburgu (Francia)
Superficie 78.26 km²
Altitú 143 m
Llenda con Bischheim, Eckbolsheim, Eschau, Illkirch-Graffenstaden, Lingolsheim, Oberhausbergen, Ostwald, Schiltigheim y La Wantzenau
Demografía
Población 291 313 hab. (1r xineru 2021)
- 133 417 homes (2017)

- 147 549 muyeres (2017)
Porcentaxe 25.27% de Baxu Rin
5.24% de Gran Este
0.45% de Francia metropolitana
0.43% de Francia
Densidá 3722,37 hab/km²
Más información
Fundación 12 edC
Prefixu telefónicu 388, 390 y 368
Estaya horaria CEST (horariu de branu)
UTC+01:00 (horariu estándar)
UTC+02:00 (horariu de branu)
Llocalidaes hermaniaes Boston, Dresde, Ramat Gan, Stuttgart y Leicester
strasbourg.eu
Cambiar los datos en Wikidata
Hemiciclu del Parllamentu Européu.
Catedral de Nuestra Señora (sieglos XII-XIV), la más alta del mundu dende 1647 hasta 1874.

Estrasburgu (en francés Strasbourg; n'alsacianu Strossburi; y n'alemán Straßburg) ye una ciudá de Francia, capital y ciudá más grande de la rexón de Gran Este y sé del Parllamentu Européu. Asitiada cerca la llende con Alemaña, na rexón histórica d'Alsacia, ye la capital del departamentu de Bas-Rhin. La so población, en 2016, yera de 276.170, con 491.516 nel conxuntu de la Eurométropole de Strasbourg y el Arrondissement de Strasbourg[2]. El so área metropolitana, sacante la parte perteneciente a ella que queda del llau alemán de la frontera, tenía una población, en 2013, de 773.347 habitantes, que faen d'ella la novena mayor área metropolitana de Francia y el llugar aú viven el 13% de los habitantes de la rexón de Gran Este. L'eurodistritu transnacional Strasbourg-Ortenau, que compriende la población satélite d'Estrasburgu en dambos llaos de la frontera, tenía una población de 915.000 habitantes en 2014.

Estrasburgu ye la sé de delles instituciones europeas: el Conseyu d'Europa, y dellos organismos dependientes d'elli como'l Tribunal Européu de Derechos Humanos, la Direición Europea pa la Calidá de los Medicamentos y los Servicios Sanitarios o l'Observatoriu Européu de lo Audiovisual; l'Eurocuerpu, guañu d'un exércitu común européu; el Defensor del Pueblu Européu; la Comisión Central pa la Navegación del Rin; y l'Institutu Internacional de Derechos Humanos.

El centru históricu de la ciudá, la Grande Île (Islla Grande), foi declaráu Patrimoniu de la Humanidá pola UNESCO en 1988, siendo'l primer centru históricu completu n'algamar esi estatus. La ciudá, pese a tener sío violentamente disputada a lo llargo de la historia ente Francia y Alemana, fai de ponte cultural ente los dos países demientres los caberos sieglos, especialmente gracies a la so universidá, la segunda mayor de Francia, y la coesistencia de les cultures católica y protestante. La ciudá ye la sé tamién del mayor centru d'oración isllámicu de Francia, la Gran Mezquita, inaugurada pol ministru del interior francés Manuell Valls el 27 de setiembre de 2012.

Dende'l puntu de vista económicu Estrasburgu ye un importante centru industrial, amás d'un centru lloxísticu de tresporte per carretera, ferroviariu y fluvial. El so puertu ye'l segundu mayor del ríu Rin tres del de Duisburgu (Alemaña).



Referencies[editar | editar la fonte]

Enllaces esternos[editar | editar la fonte]