HD 210277

De Wikipedia
Saltar a navegación Saltar a la gueta
HD 210277
Picto infobox astronomy.png
HD 210277
Datos d'observación
(Dómina 2000)
Constelación Acuariu
Ascensión reuta (α) 22h 9m 29,87s
Declinación (δ) -7° 32' 55,16"
Mag. aparente (V) 6,63
Carauterístiques físiques
Clasificación estelar G0V
Astrometría
Distancia 69,41 años lluz (21,29 pc)
Otres designaciones
GJ 848.4, BD-08°5818,
HIP 109378
[editar datos en Wikidata]

HD 210277 ye una estrella de magnitú 7 na constelación Acuariu. Ye una nana mariella del tipu G0V, similar al Sol. Tien una masa d'aprosimao 0,92 mases solares, y envalórase que la edá de la estrella ye de 12 mil millones d'años. La estrella nun ye visible a siemple vista, yá que s'atopa a 69 años lluz de la Tierra. Sicasí, ye fácilmente visible con unos prismáticos.

Esta estrella tien un planeta estrasolar masivu orbitando al so alredor. Nel añu 1999, T. Y. Trilling anunció'l descubrimientu d'un discu protoplanetariu basándose n'observaciones de llargor d'onda infrarroxa. Envalórase que'l discu podría ser similar al cinturón de Kuiper del Sistema Solar.

HD 210277 b[editar | editar la fonte]

Artículu principal: HD 210277 b
HD 210277 b[1]
Descubrimientu
Descubridor Marcy en California, EE.XX.
Fecha 1998
Método de detección Velocidá radial
Semiexe mayor 1,138 ± 0.066 UA
Escentricidá 0,476 ± 0.017
Periodu orbital sideral 442,19 ± 0.50 díes
Carauterístiques físiques
Masa >1,29 ± 0,11 MXúpiter
[editar datos en Wikidata]

HD 210277 b foi afayáu nel añu 1998 pol equipu de California and Carnegie Planet Search usando l'afortunáu métodu de la velocidá radial. Esti planeta ye, siquier, un 24% más masivu que Xúpiter. La distancia media ye daqué mayor qu'una Unidá Astronómica, esto ye, daqué cimera que la distancia de la Tierra al Sol. Sicasí, el so escentricidá ye bien alta, tantu que nel so periastru la distancia ye casi la metá, y nel apoastru, la distancia aumenta hasta asitiase a una distancia similar ente Marte y el Sol.[2]

Nel añu 2000, un grupu de científicos propunxo, basándose en datos preliminares astrométricos del satélite Hipparcos, que'l planeta podría tener un enclín de 175,8º y una masa verdadera 18 vegaes la de Xúpiter, convirtiendo nel planeta nuna nana marrón.[3]

De toes formes, ye estadísticamente bien improbable, y dicha especulación inda nun foi confirmada. Si'l planeta orbita nel mesmu planu que'l discu protoplanetario, lo cual podría ser facederu, tendría un enclín de 40º y una masa absoluto de 2,2 vegaes la masa de Xúpiter.[4]

Discu de polvu en HD 210277[editar | editar la fonte]

Nel añu 1999 afayóse un discu de polvu alredor de la estrella HD 210277, similar al cinturón de Kuiper del sistema solar. Ta asitiáu ente 30 y 62 UA de la estrella, y envalórase que ye 50 y 80 vegaes más masives que el cinturón de Kuiper.[4]

Referencies[editar | editar la fonte]

  1. Butler, R. et al.. «Catalog of Nearby Exoplanets». The Astrophysical Journal 646. http://www.journals.uchicago.edu/ApJ/journal/issues/ApJ/v646n1/64046/brief/64046.abstract.html.  (version web)
  2. G.W. Marcy, R.P. Butler, S.S. Vogt, D. Fischer, M.C. Liu. «Two New Candidate Planets in Eccentric Orbits». Astrophysical Journal 520. http://www.journals.uchicago.edu/ApJ/journal/issues/ApJ/v520n1/39695/39695.abstract.html. 
  3. I. Han, D.C. Black, G. Gatewood. «Preliminary Astrometric Masses for Proposed Estrasolar Planetary Companions». Astrophysical Journal 548. http://www.journals.uchicago.edu/ApJ/journal/issues/ApJL/v548n1/005774/brief/005774.abstract.html. 
  4. 4,0 4,1 D.Y. Trilling, R.H. Brown, A.S. Rivkin. «Circumstellar Dust Disks around Stars with Known Planetary Companions». Astrophysical Journal 529. http://www.journals.uchicago.edu/ApJ/journal/issues/ApJ/v529n1/50369/brief/50369.abstract.html. 

Enllaces esternos[editar | editar la fonte]