HD 167042

De Wikipedia
Saltar a navegación Saltar a la gueta
HD 167042
HD 167042
Constelación Draco
Ascensión reuta α 18h 10min 31,64s
Declinación δ +54º 17’ 11,6’’
Distancia 163 años lluz
Magnitú visual +5,95
Magnitú absoluta +2,48
Lluminosidá 11 soles
Temperatura 5010 K
Masa 1,6 sol
Radiu 4,4 soles
Tipu espectral K1III
Velocidá radial -15,8 km/s

HD 167042 (HR 6817 / HIP 89047)[1] ye una estrella na constelación del Dragón. De magnitú aparente +5,95, ta asitiada a 163 años lluz de distancia del Sistema Solar. En 2007 anuncióse'l descubrimientu d'un planeta estrasolar n'órbita alredor d'esta estrella.

HD 167042 ye una xigante naranxa de tipu espectral K1III con una temperatura superficial de 5010 K. Sicasí, el so radiu, namái 4,4 vegaes más grande qu'el del Sol, y la so lluminosidá, 11 vegaes mayor que la lluminosidá solar, paecen indicar que HD 167042 ye en realidá una estrella subxigante, onde'l nucleu d'heliu nun ta lo suficientemente caliente por que se empecipiara'l tresformamientu en carbonu y oxíxenu.[2] La so edá envalórase ente 1200 y 3200 millones d'años.[3]

HD 167042 tien una metalicidá daqué mayor que la del Sol. La so velocidá de rotación proyeutada, 1,5 km/s, implica que'l so periodu de rotación pue ser d'hasta 146 díes. Con una velocidá relativa respectu al Sol unes 5 vegaes más alta de lo habitual (67 km/s), puede tratase d'una estrella proveniente d'otra rexón de la galaxa.[2]

Sistema planetariu[editar | editar la fonte]

El planeta descubiertu alredor de la estrella, HD 167042 b, tien una masa mínimo 1,6 vegaes mayor que la masa de Xúpiter. Muévese nuna órbita práuticamente circular a 1,30 UA de la estrella —un 30% más de la distancia que dixebra la Tierra del Sol—, siendo'l so periodu orbital de 416,1 díes (1,14 años).

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
HD 167042 b > 1,6 416,1 1,30 0,03

Ver tamién[editar | editar la fonte]

Referencies[editar | editar la fonte]