Grau Fahrenheit

De Wikipedia
Saltar a navegación Saltar a la gueta
Termómetru que marca la temperatura en graos Celsius (na esfera interior) y Fahrenheit (na esterior).
Estaos qu'usen Fahrenheit:      Estaos qu'usen Fahrenheit (°F).      Estaos qu'usen Fahrenheit (°F) y Celsius (°C).      Estaos qu'usen Celsius (°C).

La escala Fahrenheit ye una escala de temperatura basada nuna propuesta en 1724 pol físicu alemán nacíu en Polonia Daniel Gabriel Fahrenheit (16861736), del que recibe'l so nome[1].

La escala usa el grau Fahrenheit, qu'el so símbolu ye °F, como unidá. La escala, como foi definida pol so autor, tien dellos fitos que la definen. El cero de la escala (0 °F) represéntalu la temperatura d'una salmuera fecha, en partes iguales, por xelu y sal. Otros fitos importantes na escala son el puntu de fusión del agua, 32 °F, y la estimación de la temperatura media del cuerpu humanu, definida por Fahrenheit en 96° pero correxida por mediciones modernes hasta establecela en 98,6 °F[2]. Anguaño la escala defínese xeneralmente por dos puntos: el de fusión del agua (32 °F) y el d'evaporación d'esta en condiciones atmosfériques normales y al nivel del mar (212 °F). Hai, poro, 180 °F de separación ente esos dos puntos.

A finales del sieglu XX esta escala ye la escala oficial de midición de temperatures namái nunos pocos países: Estaos Xuníos, los sos territorios non incorporaos, los sos estaos llibres asociaos del Pacíficu (Islles Marshall, Paláu y los Estaos Federaos de Micronesia), Bahames, Belice y les Islles Caimán. Los demás países usen darréu la escala Celsius.

Definición y conversión[editar | editar la fonte]

El puntu de fusión del agua vien marcáu, nesta escala, pol valor de 32 °F, mentantu qu'el puntu de bullidura d'esta ye 212 °F. Esto fai que la diferencia ente dambos seya de 180°, y lleva a definir el grau Fahrenheit como 1180 del intervalu ente'l puntu de fusión del agua y el so puntu de bullidura. Na escala de Celsius esti intervalu ye de 100°, y poro, un intervalu de temperatura de 1 °F ye equivalente a 59 °C. Les dos escales crúcense a −40°: −40 °C y −40 °F son la mesma temperatura, y el cero absolutu tien un valor nesta escal de −459,67 °F.

Pueden usase estes fórmules pa una conversión exacta ente les dos escales...

  • Fahrenheit a Celsius:
  • Celsius a Fahrenheit:

...y tamién estes otres, qu'aprovechen pa facer les operaciones aritmétiques el puntu de cruce de les dos escales a −40°.

  • Fahrenheit a Celsius:
  • Celsius a Fahrenheit:

Referencies[editar | editar la fonte]

Enllaces esternos[editar | editar la fonte]