Puntu de bullidura

De Uiquipedia
Saltar a: navegación, buscar
Agua nel puntu de bullidura

El puntu de bullidura ye la temperatura a la qu'un elementu o compuestu químicu pasa del estáu llíquidu al gaseosu. A la escontra denómase puntu de condensación.

La temperatura d'una sustancia o cuerpu ye una medida de la enerxía cinética de les molécules. A temperatures inferiores al puntu de bullidura, namái un pequeñu porcentax de les molécules na superficie tien enerxía abondo pa romper la tensión superficial y escapar.

Al llegar al puntu de bullidura les más de les molécules son pa escapar dende toles partes del cuerpu, non namás dende la superficie. Sicasí, pa la creación de borbolles en tol volume de llíquidu necesítense imperfecciones o movimientu, precisamente pol fenómenu de la tensión superficial.

Un llíquidu pue calentase pasáu'l so puntu de bullidura. Nesi casu dizse que ye un llíquidu sobrecalentáu. Nun llíquidu sobrecalentáu, una pequeña perturbación va provocar una bullidura esplosiva. Esto pue asoceder, por exemplu, al calecer agua nun recipiente llisu (como por exemplu'l Pyrex) nun fornu microondes. Al echar zucre nesta agua sobrecalentao, el conteníu completu pue bullir na cara del usuariu, causando quemadures.

Ver tamién[editar | editar la fonte]