Gliese 408

De Wikipedia
Saltar a navegación Saltar a la gueta
Gliese 408
Gliese 408
Constelación Lleo
Ascensión reuta α 11h 00min 04,26s
Declinación δ +22º 49’ 58,7’’
Distancia 21,6 años lluz
Magnitú visual +10,03
Magnitú absoluta +10,89
Lluminosidá 0,0037 soles
Temperatura 3440 K
Masa 0,41 soles
Radiu 0,44 soles
Tipu espectral M3.0V
Velocidá radial +29 km/s

Gliese 408 (GJ 408 / LHS 6193 / HIP 53767 / Ross 104)[1] ye una estrella cercana na constelación de Lleo. Asitiada a 21,6 años lluz del Sistema Solar, ye la 101ª estrella más próxima al Sol.[2] De magnitú aparente +10,03,[1] nun ye observable a simple vista.

Gliese 408 ye una nana colorada de tipu espectral M3.0V.[1] Muncho más tenue que'l Sol, tien una lluminosidá equivalente al 0,37% de la lluminosidá solar, pero aun así ye muncho más lluminosa qu'otres nanes coloraes más conocíes como Proxima Centauri o Wolf 359. Con una temperatura averada de 3440 K,[3] ye una estrella asemeyada a Gliese 674 o Gliese 588. La so masa equival al 41% de la masa solar,[4] siendo'l so radiu averáu equivalente al 44% del radiu solar. Xira sobre sigo mesma con una velocidá de rotación proyeutada igual o inferior a 2,5 km/s. Esibe un conteníu metálico inferior al del Sol nun 27%, siendo'l so índiz de metalicidá [Fe/H] = -0,14.[4] Nun s'atopó evidencia de qu'esista un discu de polvu frío alredor de Gliese 408.[5]

Les estrelles conocíes más cercanes a Gliese 408 son EE Leonis y AD Leonis, a 6,26 y 6,54 años lluz respeutivamente, dambes nanes coloraes asitiaes tamién nesta mesma constelación.[6]

Ver tamién[editar | editar la fonte]

Referencies[editar | editar la fonte]