Gliese 317

De Wikipedia
Saltar a navegación Saltar a la gueta
Gliese 317
Gliese 317
Constelación Brúxula
Ascensión reuta α 08h 40min 59,21s
Declinación δ -23º 27’ 22,6’’
Distancia 29,9 ± 5,5 años lluz
Magnitú visual +12
Magnitú absoluta +11,68
Lluminosidá 0,001 soles
Masa 0,24 ± 0,04 soles
Tipu espectral M3.5

Gliese 317 (GJ 317 / LHS 2037) ye una estrella de magnitú aparente +12 asitiada a 29,9 años lluz na constelación de Pyxis, la brúxula. A fecha de 2007 conozse la esistencia d'un planeta estrasolar y un posible segundu planeta, ésti ensin confirmar, orbitando alredor d'esta estrella.

Gliese 317 ye una nana colorada de tipu espectral M3.5V,[1] con una masa de 0,24 mases solares y una lluminosidá equivalente al 1% de la solar. Pal so color B-V, Gliese 317 ye sosprendentemente tenue, atopándose aprosimao 1,8 magnitúes per debaxo de la secuencia principal. El so allugamientu nel diagrama de Hertzsprung-Russell suxure que pue ser una estrella subenana bien probe en metales. Sicasí, diversos estudios suxuren que GJ 317 tien una metalicidá similar a la solar ([Fe/H] = −0,23 ± 0,2) un valor muncho más alto que l'esperáu pola so posición nel diagrama H-R. Posibles erros na paralax o na midida de la magnitú pueden ser los responsables de la discrepancia.[2]

Sistema planetariu[editar | editar la fonte]

Gliese 317 b ye un planeta xovianu que xira en redol a la estrella a una distancia media de 0,95 UA —llixeramente inferior a la separación entra la Tierra y el Sol— nuna órbita moderadamente escéntrica, que fai qu'esta distancia varie ente 0,77 y 1,13 UA. Con una masa mínimo 1,2 vegaes la masa de Xúpiter, el so periodu orbital ye de 1,9 años.[3]

La posible presencia d'un segundu planeta, Gliese 317 c, camudaría los parámetros orbitales del primer planeta. Si confírmase la so esistencia, Gliese 317 c tendría una masa de 0,83 vegaes la masa de Xúpiter con un periodu orbital de 7,4 años.[3]

Nome Masa Semiexe mayor Escentricidá Periodu orbital  Descubrimientu 
Gliese 317 b > 1,2 MJ 0,95 UA 0,193 ± 0,06 692.9 ± 4 díes 2007
Gliese 317 c > 0,83 MJ ? 0,42 2700 díes 2007

Ver tamién[editar | editar la fonte]

Referencies[editar | editar la fonte]

  1. LHS 2037 (SIMBAD)
  2. Johnson, John Asher; Butler, R. Paul; Marcy, Geoffrey W.; Fischer, Debra A.; Vogt, Steven S.; Wright, Jason T.; Peek, Kathryn M. G.. «A New Planet around an M Dwarf: Revealing a Correlation between Exoplanets and Stellar Mass». The Astrophysical Journal 670. pp. 833-840. http://adsabs.harvard.edu/cgi-bin/bib_query?arXiv:0707.2409. 
  3. 3,0 3,1 GJ 317 (The Estrasolar Planets Encyclopaedia)