Gaelscoil

De Wikipedia
Saltar a navegación Saltar a la gueta
Galescoil en Newry (Irlanda del Norte)

Les gaelscoileanna (gaelscoil en singular) son escueles irlandeses onde l'idioma d'enseñanza ye'l irlandés.

En septiembre de 2005 había 158 gaelscoileanna n'educación primaria y 36 en secundaria na República d'Irlanda y en Irlanda del Norte en xunto (escluyendo los gaeltacht, que les sos escueles nun son consideraes gaelscoileanna), lo que significaba unos 31.000 estudiantes.

Cola apertura del Gaelscoil Liatroma nel condáu de Leitrim en 2005 hai agora siquier una gaelscoil en cada unu de los 32 condaos de Irlanda.

Les gaelscoileanna son les escueles de más rápidu crecedera en Irlanda y, de llueñe, les más esitoses d'ente tolos movimientos d'escueles en gaélicu, como'l Gaelic Medium Education, qu'enseña gaélicu escocés en Escocia, o les Bunscoill Ghaelgagh, qu'enseñen manés na Isla de Man.

El irlandés ye la llingua d'instrucción nestes escueles. Anguaño, el 7,4% de los estudiantes garrasti a escueles n'irlandés en Primaria, ente que el 3,0% de los estudiantes garrasti a escueles n'irlandés en Secundaria. Anque delles escueles n'inglés ufierten clases n'irlandés, namá'l 25,5% de los estudiantes estudien delles materies en llingua irlandesa. Esto fai qu'el 36% de los estudiantes sía instruyíu total o parcialmente nel idioma irlandés.

Situación actual[editar | editar la fonte]

Hai 50 000 alumnos asistiendo a gaelscoileanna (tantu dientro como fora de los gaeltacht) en 368 escueles primaries y secundaries.

  • Nos Gaeltacht: 127 escueles primaries: 29 escueles secundaries con 15 000 alumnos.
  • Fora de los Gaeltacht: 171 escueles primaries: 43 escueles secundaries con 35 500 alumnos.
  • Naíonraí: 227 grupos preescolares 4000 neños.

Escueles de branu[editar | editar la fonte]

Tamién hai escueles de branu llamaes 'Coláistí Samhraidh', de les cualos hai 47 distribuyíes a lo llargo de los Gaeltacht. Cada añu, 26 000 estudiantes pasen tres semana nestes escueles, falando solamente irlandés.

Grupos xuveniles[editar | editar la fonte]

L'asociación 'Ógras' aprove de sofitu a neños y nuevos d'ente 8 y 19 años. Hai 35 d'estos grupos distribuyíos per Irlanda. Toles actividaes d'estos grupos xuveniles desenvuélvense puramente n'irlandés.

Visión xeneral[editar | editar la fonte]

El movimientu Gaelscoil foi'l mayor y más esitosu de tolos programes d'educación per inmersión nuna llingua minoritaria en Europa. El movimientu tamién tuvo ésitu n'establecer escueles tantu en zones urbanes como rurales. Por casu, en Dublín hai 31 escueles de primaria n'irlandés y 8 de secundaria, ente que en Cork hai 22 de primaria y 8 de secundaria.

Na República d'Irlanda el irlandés ye una asignatura obligatoria nes educaciones Primaria y Secundaria. Enséñase-y irlandés a ente 700.000 y 800.000 estudiantes dientro del sistema educativu; la so situación ye similar a la del idioma galés nel País de Gales.

Ver tamién[editar | editar la fonte]


Gaelscoil