GJ 1116

De Wikipedia
Saltar a navegación Saltar a la gueta
GJ 1116
GJ 1116 A/B
Constelación Cáncer
Ascensión reuta α 08h 58min 15,13s
Declinación δ +19º 45’ 47’’
Distancia 17,0 años lluz
Magnitú visual +14,06 / +14,92
Magnitú absoluta +15,47 / +16,33
Lluminosidá 0,000057 / 0,000026 soles
Tipu espectral M5.5V / ?
Velocidá radial -34 km/s

GJ 1116 (G 9-38) ye un sistema estelar na constelación de Cáncer. A una distancia de 17,0 años lluz del Sistema Solar, ye unu de los 100 sistemes más próximos a la Tierra.[1]

GJ 1116 A (LHS 2076) ye una nana colorada de tipu espectral M5.5V y magnitú aparente +14,06.[2] Tien una masa averada d'un 11% de la masa solar y la so lluminosidá ye apenes el 0,0057% de la lluminosidá solar. Ye una estrella acandilante, esto ye, sufre sópitos aumentos de rellumu producíos por erupciones na so superficie. Conocida tamién como EI Cancri, les sos carauterístiques físiques son paecíes a Proxima Centauri o GJ 1245 A (V1581 Cygni).

GJ 1116 B (LHS 2077) ye una nana colorada daqué daqué más tenue que la so compañera, siendo la so magnitú aparente +14,92.[3] La so masa envalorada ye un 10% de la masa solar. La separación reparada ente dambes componentes ye de 23,5 UA, daqué más de la distancia a la que s'atopa Uranu del Sol.

Les estrelles más cercanes a GJ 1116 son AD Leonis, a 5,6 años lluz, DX Cancri, a 5,73 años lluz, Ross 619, a 7,3 años lluz, y YZ Canis Minoris a 7,8 años lluz. Toes elles son nanes coloraes.[4]

Referencies[editar | editar la fonte]