GJ 1245

De Wikipedia
Saltar a: navegación, buscar
GJ 1245
GJ 1245 A/B/C
Constelación Cygnus
Ascensión reuta α 19h 53min 54,49/55,14/54,9s
Declinación δ +44º 24’ 53,4/54,3/54’’
Distancia 15,2 ± 0,2 años-lluz
Magnitú visual +13,41 / +14,01 / +16,66
Magnitú absoluta +15,04 / +15,64 / +18,29
Lluminosidá 0,000084 / 0,000048 / ? soles
Masa 0,11 / 0,10 / ? soles
Tipu espectral M5.5V / M6V / M8V

GJ 1245 ye un sistema estelar cercanu al Sistema Solar, a namái 15,2 años lluz de distancia, na constelación de Cygnus. De magnitú aparente +13,4, nun ye visible a simple vista.

Los dos componentes principales de GJ 1245 son dos nanes coloraes dixebraes ente sigo unes 33 UA. GJ 1245 A ye una estrella de tipu espectral M5.5V con una masa equivalente al 11% de la masa solar y una lluminosidá qu'apenes supón el 0,0084% de la del Sol. Ye una estrella acandilante, esto ye, dacuando prodúcense fogarales na so superficie qu'aumenten el so rellumu significativamente, polo que recibe la denominación d'estrella variable V1581 Cygni, nome pol que tamién se conoz al sistema estelar. GJ 1245 B ye daqué más fría que la so compañera —tien una temperatura de 2600 K—, siendo'l so tipu espectral M6V. La so masa ye un 10% de la masa solar y la so lluminosidá ye la metá de la de GJ 1245 A. Abarrúntase que tamién puede ser una estrella acandilante.

De la mesma, GJ 1245 A ye una estrella binaria cercana. El so acompañante, GJ 1245 C, ye una de les nanes coloraes más tenues conocíes, de tipu espectral M8V y 2150 K de temperatura. Alcuéntrase separada 1,3 UA de la componente A.

Ver tamién[editar | editar la fonte]

Referencies[editar | editar la fonte]