Fred Melamed

Fred Melamed
Vida
Nacimientu	Nueva York, 13 de mayu de 1956 (68 años)
Nacionalidá	Estaos Xuníos
Residencia	Los Angeles
Llingua materna	inglés
Estudios
Estudios	Yale School of Drama ; Hollywood Hills High School (es) ; Hampshire College (en) ; Riverdale Country School (es)
Llingües falaes	inglés
Oficiu	actor, actor de televisión, actor de cine, actor de voz, actor de teatru
IMDb	nm0577329

Fred Melamed (13 de mayu de 1956, Nueva York) ye un actor d'Estaos Xuníos.

Primeros años

Nació na ciudá de Nueva York nuna familia xudía non creyente que nunca foi a una sinagoga, sacante p'asistir al bar mitzvah d'un primu. Cuando-y preguntaron si quería asistir a una escuela hebrea, contestó que non, polo que nun tuvo una educación relixosa.^[3]

Carrera

Formóse como actor nel Hampshire College y en Yale School of Drama.

La voz de Melamed volvióse una voz familiar na televisión, siendo escuchada nos Xuegos Olímpicos, Mercedes Benz, CBS Sports, USA Network, el Superbowl y numberosos anuncios y programes de televisión. Fízose conocíu na industria como actor de voz, apaeciendo na saga de Grand Theft Auto y doblando la voz d'otros actores en películes. En 1987 participó na comedia Ishtar, con Dustin Hoffman y Warren Beatty.

Pero foi pola so interpretación del "sensible" villanu Sy Ableman, na película A Serious Man (2009) de los hermanos Coen, la que lo fixo un actor conocíu pol públicu. Sobre'l personaxe, Film Confessional afirmó: "Sy Ableman ye un gran villanu del cine contemporaneu como The Joker, Hans Landa o Anton Chigurh... El personaxe que llogra Fred Melamed ye la fuercia de destrucción más brillosa del añu". Pola so actuación en A Serious Man, Melamed, los hermanos Coen, la repartida y los direutores de casting ganaron el Premiu Robert Altman nos Premios Independent Spirit.

Amás, Melamed trabayó en delles películes de Woody Allen, incluyendo Hannah and Her Sisters, Radio Days, Another Woman, Crimes and Misdemeanors, Shadows and Fog, Husbands and Wives y Hollywood Ending. Tamién tuvo papeles n'otres películes como Suspect, The Good Mother, The Mission y The Pickup Artist.

Vida privada

Melamed vive cola so esposa y los sos dos fíos ximielgos nel East End de Long Island. Los sos dos fíos nacieron con autismu, y xunto a la so esposa, Melamed tuvo arreyáu en movimientos de sofitu pa les persones con trestornos del espectru autista y les sos families.^[4]

Referencies

↑ Afirmao en: Internet Broadway Database. Identificador de persona d'Internet Broadway Database: 490487. Apaez como: Fred Melamed. Data de consulta: 9 ochobre 2017. Llingua de la obra o nome: inglés.
↑ Afirmao en: idRef. Identificador de referencia de idRef SUDOC: 147746213. Data de consulta: 2 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
↑ Jessica Elgot (16 de payares de 2009). «Interview: A Serious Man's Fred Melamed». The Jewish Chronicle. Consultáu'l 27 d'abril de 2012.
↑ Focus Features, IMdB, New York Magazine Vulture, Gothamist|date=January 2010

Enllaces esternos

Fred Melamed na Internet Movie Database (n'inglés)
Fred Melamed na Internet Broadway Database (n'inglés)

[3d863dedee7c8c6890be2b461e7cb92c7191ac20-1] Afirmao en: Internet Broadway Database. Identificador de persona d'Internet Broadway Database: 490487. Apaez como: Fred Melamed. Data de consulta: 9 ochobre 2017. Llingua de la obra o nome: inglés.

[946f93f5de5ef407d9c5a434a9c490d2ab53f7ea-2] Afirmao en: idRef. Identificador de referencia de idRef SUDOC: 147746213. Data de consulta: 2 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.

[3] Jessica Elgot (16 de payares de 2009). «Interview: A Serious Man's Fred Melamed». The Jewish Chronicle. Consultáu'l 27 d'abril de 2012.

[4] Focus Features, IMdB, New York Magazine Vulture, Gothamist|date=January 2010

[1]

[2]

[3]

[4]