Fluorita

De Uiquipedia
Saltar a: navegación, buscar
Fluorita
Cristales cúbicos de fluorita mariello, recubriendo una roca.

La fluorita ye un mineral formáu pola combinación de calciu y flúor, con fórmula CaF2. Cristaliza nel sistema cúbicu. Descríbese como un empaquetamientu cúbicu compautu d'átomos de Ca nel que los átomos de F ocupen tolos güecos tetraédricos. Si se tien en cuenta la rellación de radios iónicos, esta descripción paez absurda (1,33 [[Ángstrom|Å pa F-1 y 0,99 pa Ca+2), yá que los iones F nunca nun coyeríen nos güecos del Ca. Sicasí, esta descripción reproduz fielmente los allugamientos relativos de los átomos na celda unidá.

Según esta descripción tolos güecos octaédricos de la estructura taríen vacios. La coordinación del F ye tetraédrica (IC = 4), mentes que la del Ca ye cúbica (IC = 8).

Carauterístiques[editar | editar la fonte]

La fluorita ye un mineral perdifundíu na natura. Preséntase formando bolsaes en forma de xeodes o druses ocupando fisures y requexos. N'estáu puro ye incoloro y tresparente, anque nos más de los casos presenta delles coloraciones que se puen deber a impureces orgániques o minerales; los más habituales van del morao al violeta pero la fluorita tamién pue ser azul, verde, rosa, naraxa, mariello o de tonos menos definíos. Munches variedaes amuesen fluorescencia.

Suel presentase con forma de cristales de vezu cúbicu bien formaos, davezu con macles de compenetración de cubos. Les demás formes son rares, anque puen obtenese octaedros por esfoliación. Tamién pue tar masivo, compacto o granular.

Esti mineral suel atopase en vetes pures o asociáu con menes de plomu, plata o cinc. Ye común en caliares y en dolomites y, dalgunes vegaes, ye un mineral accesoriu en pegmatites y n'otres roques ígnees.

Yacimientos[editar | editar la fonte]

La fluorita suel atopase n'España, Rusia, Inglaterra, China, EEXX, México, Namibia y Alemaña. España ye un importante productor de fluorita. Los principales yacimientos atópense n'Asturies nos conceyos de Caravia y Ribeseya. Con menor importancia como yacimientos o como ganga de menes metáliques atópase fluorita en Siero, Villabona y Picos d'Europa (Asturies y Cantabria), y Irún, Berastegui y Bidasoa (Guipúzcoa). En Cataluña son yacimientos d'interés los de Anglés, Montseny, Sant Cugat del Vallés (onde apaez n'octaedros verdes mui lluminiscentes) y Ulldemolins.

Usos[editar | editar la fonte]

Les variedaes cristalines, como l'espato de Derbyshare que tien un lleve color, tállense sobre vasixes y otros orniamentos; la variedá clorofanu utilízase como xema. L'usu principal de la fluorita foi la producción d'ácidu fluorhídricu, material esencial na fabricación de criolita sintético y de fluoruru d'aluminiu pa la industria del aluminiu, y en bien d'otres aplicaciones de la industria química. La fluorita ye un fluxu común na fundición d'aceru. Úsase en grandes cantidaes na producción d'esmalte y de vidru tresllúcido; los cristales perfeutos utilícense na fabricación de llentes apocromátiques.

Amás del so usu orniamental, la fluorita utilízase nes aceríes como elementu qu'aida a la fusión del fierro. Tamién s'utiliza na fabricación de freba de vidru y de vidru ópalu pero, sobre manera, pa la producción d'ácidu fluorhídricu y otros productos fluoraos, ente ellos el fluoruru d'aluminiu del que s'obtién l'aluminiu metálicu. Tamién s'usa na industria del cementu pa incorporar otros material al clinker y na fabricación d'abrasivos y artículos de soldadura.

Fluorita
Wikimedia Commons tien archivos rellacionaos con: