Saltar al conteníu

Espedición viquinga de 844

De Wikipedia
Espedición viquinga de 844
Parte de Vikings in Iberia (en) Traducir y Vikings in Galicia (en) Traducir
Fecha 844
Llugar Norte, oeste y sur de la península ibérica
Resultáu Derrota vikinga[1]
Belixerantes
• Reinu d'Asturies
• Emiratu de Córdoba		 Viquingos
Comandantes
• Ramiru I
• Abderramán II
Musa ibn Musa al-Qasi		 Desconocíu
Baxes
La Coruña:
70 barcos quemaos[2][3]
Grandes pérdidas humanas[4]
Sevilla:
30 barcos quemaos
1000 muertos
400 capturaos y executaos[5]
[editar datos en Wikidata]

La espedición viquinga de 844 foi un ataque de los viquingos na península ibérica, entós gobernada pol reinu d'Asturies y l'emiratu de Córdoba. Los viquingos reconocieron Xixón, atacaron La Coruña, Lisboa y Cádiz y remontaron el ríu Guadalquivir, atacando Medina Sidonia, Sevilla y Córdoba.[6][7] Abderramán II preparó un contingente para enfrentalos, encabezáu por Musa ibn Musa al-Qasi que los ganó casi totalmente.

Historia

[editar | editar la fonte]

En 844 naves viquingues o normandes (urdumaniyyun o madjus), procedentes d'una incursión pel ríu Garona, fueron esperdigaes por una torbonada en dirección a la mariña cantábrica y aportaron a Xixón, que reconocieron pero nun atacaron, y siguieron en dirección a Galicia, onde fueron refugaes.[8][9] Les naves supervivientes pasaron per Lisboa qu'escalaron mientres 13 díes ente agostu y setiembre, hasta qu'un exércitu musulmán averose pa combatiles.[10][11] Movieronse escontra'l Algarve y el golfu de Cádiz. Remontaron coles sos naves el Guadalquivir y el 25 de setiembre ganaron a los cordobeses na batalla de Cabtal, escalando les contornes d'Isbiliya mientres los ciudadanos nun presentaben batalla y fuxíen a Carmona.[10][12] Los viquingos establecieron un fortín en Tablada, d'onde se retiraron el 28 de setiembre cuando llegaron 15 naves cordobeses.[10]

Abderramán II preparó un contingente para enfrentase a los viquingos que conquistaren y escalaren Isbiliya un mes antes, cola tropa de Isbiliya, voluntarios de les marques, y l'exércitu de les marques encabezáu por Musa ibn Musa al-Qasi. Los viquingos estremaronse en cuatro grupos: unu, d'unos dos centenares, qu'atacó Morón; un segundu, qu'atacó Benilaiz; un terceru, qu'atacó Fonte de Cantares; y un cuartu, que lo fixo con Córdoba. El gruesu del exércitu cordobés, d'unos 16.000 homes, destruyó'l primer grupu (batalla de Morón), y atacó el campamentu de Tablada, colo que los invasores sufrieron mil baxes, mientres otros cuatrocientos fueron fechos prisioneros y executaos, y unes trenta naves fueron destruyíes, siendo los rehenes reteníos por ellos lliberaos.[13][14] Pero un grupu, al ver la caballería enemiga pudo fuxir ente Morón y Carmona, embarcando nes naves y finalmente axustando lliberar a los prisioneros que-yos quedaben y devolver el botín en cuenta de comida y ropes y una retirada pel ríu hasta la mariña, onde permanecía parte de la espedición.[15] Siguieron el so viaxe pol Mediterraneu, atacando territoriu bizantín hasta llegar a Alexandría nun viaxe de catorce años.[15] Col tiempu, l'amenorgáu númberu de supervivientes aprisionaos n'Andalucía convirtióse al islamismu instalándose como granxeros na zona de Coria del Río, Carmona y Morón.

Consecuencies

[editar | editar la fonte]

Abderramán II reconstruyó les muralles y edificios d'Isbiliya, qu'habíen quedáu estropiaos pola incursión, y fixo construyir naves nos estelleros de Cádiz, Cartaxena y Tarragona pola defensa de la mariña, y estableció que nes capitaníes habría corréi vos a caballu para poder tresmitir con rapidez les noticies de nuevos asaltos.[16]

Diéronse nueves incursiones viquingues nos años 859, 966 y finalmente en 971, nel que la flota viquinga foi totalmente aniquilada.

Referencies

[editar | editar la fonte]
  1. ↑ Oman, Charles (1924) England Before the Norman Conquest, páx. 422. ISBN 9785878048347.
  2. ↑ Haywood, John (2015) Northmen: The Viking Saga, AD 793–1241, páx. 166.
  3. ↑ Kendrick, Sir Thomas D. (2018) A History of the Vikings. ISBN 9781136242397.
  4. ↑ An Universal History, from the Earliest Account of Time.
  5. ↑ Parker, Philip (2014) The Northmen's Fury: A History of the Viking World.
  6. ↑ Prado, Fernando. «Vikingos en España y su expansión» Archiváu 2022-08-06 en Wayback Machine Consultáu'l 18 de marzu de 2013.
  7. ↑ Riosalido, Jesús. «Los vikingos en al-Andalus». Al-Andalus Magreb: Estudios árabes e islámicos, 5 (1997) 335-344 Archiváu 2021-11-06 en Wayback Machine Consultáu'l 20 de marzu de 2013.
  8. ↑ Fernández Duro, Cesáreo. La Marina de Castilla. Editorial MAXTOR.
  9. ↑ Troyes, Prudenci de. Annales Bertiniani. Monumentis Germaniae Historicis.
  10. 1 2 3 Romey, Charles. Historia de España: desde el tiempo primitivo hasta el presente. Impr. de A. Bergnes.
  11. ↑ González López, Emilio Grandeza e decadencia do reino de Galicia, p. 150 En gallegu
  12. ↑ James, David Lewis. Early Islamic Spain: the History of Ibn al-Qūṭīya: a study of the unique Arabic manuscript in the Bibliothèque Nationale de France, Paris, with a translation, notes, and comments. Taylor & Francis.
  13. ↑ ; R. Andrew McDonald The Viking Age: A Reader (n'inglés). University of Toronto Press. ISBN 1442601485.
  14. ↑ Breve historia de los piratas. Ediciones Nowtilus. ISBN 8497637089.
  15. 1 2 James, David Lewis. Early Islamic Spain: the History of Ibn al-Qūṭīya: a study of the unique Arabic manuscript in the Bibliothèque Nationale de France, Paris, with a translation, notes, and comments. Taylor & Francis.
  16. ↑ Romey, Charles. Historia de España: desde el tiempo primitivo hasta el presente. Impr. de A. Bergnes.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Espedición_viquinga_de_844&oldid=4481460»