Islles Kerguelen

Mapa de les Islles Kerguelen

Les Islles Kerguelen (enantes denomaes como Islles de la Desolación) constitúin un archipiélagu asitiáu nel Océanu Índicu meridional, a unos 5000 km al sur-sudeste de Ciudad del Cabo, y a unos 2000 km al norte de les costes de l'Antártida. Son posesión de Francia, y como tal tán incluyíes nos Territorios Australes Franceses (Terres Australes et Antarctiques Françaises, TAAF). Les sos coordenaes tán comprendíes ente los 48º35' y 49º54' S / 68º43' y 70º35 E de Greenwich.

L'archipiélagu ta constituyíu por una islla principal nomada Grande Terre de 6.675 km², y más de 300 pequeñes islles, isllotes y arrecifes que se disponen al rodiu de la Grande Terre, lo cual otorga al archipiélagu una superficie total de 7.215 km².

Imaxe satélite de les islles Kerguelen

La islla principal ye radial, con costes mui accidentaes y escarpaes onde abonden los fiordos y les penínsules que tales accidentes producen. Les dimensiones de la islla son de 150 km lliniales d'Oeste a Este, y 120 km lliniales de Sur a Norte. L'altor máximu de la islla, y poro, de tol archipiélagu, ye'l picu nomáu Mont Ross (1.850 m), del que descienden ventisqueros que, na parte occidental, constitúin un extensu glaciar.