Charlton Heston

John Charles Carter (Evanston, Illinois, 4 d'ochobre de 1923 - Beverly Hills, 5 d'abril de 2008), conocíu artísticamente como Charlton Heston, foi un consagráu y prolíficu actor del cine clásicu estaunidense ganador del premiu Oscar, mundialmente afamáu poles sos interpretaciones nel cine del xéneru épicu dando vida a personaxes bíblicos, como Moisés (en Los diez mandamientos) y el ficticiu Judah Ben-Hur (en Ben-Hur).

Tamién interpretó a Rodrigo Díaz de Vivar en El Cid. La so carrera inclúi Sed de mal d'Orson Welles y el papel del coronel Taylor na clásica saga de ciencia ficción (1968 y 1970) El planeta de los simios.

Biografía

Entamu

Nació n'Evanston nel estáu d'Illinois como John Charles Carter. So pá trabayaba nun molín de pan y él yera l'únicu fíu. Cuando tovía yera nenu, sos pas tresladáronse a una fastera rural de Michigan, onde Heston pasaba llargues hores lleendo y actuando pa sí mesmu.

Enantes de cumplir los 10 años, los pas de Heston divorciáronse y el quedó con so ma. Unos años más sero, ella casó con un home llamáu Chester Heston, apellíu que más alantre Heston utilizaría como nome artísticu. La nueva familia marchó a Chicago, onde Heston foi al colexu. Participó nes funciones teatrales de la escuela con tan bon resultáu, que tuvo en 1942 una beca pa estudiar na escuela d'arte dramáticu de la Universidá del Noroeste, n'Evanston, especializándose nel teatru shakesperiegu. Durante la so estancia na universidá tuvo la ocasión d'intervenir nuna obra teatral filmada por un ñeru en 16mm. Más sero el mesmu grupu filmó una segunda obra, tamién en 16 mm.

En 1944 casó con una estudiante d'arte dramáticu de la universidá y nel mesmu añu foi llamáu a files, foi destinao a les islles Aleutianes y sirvió na Fuercia Aérea. Participó na griesca y volvió trés años dempués. Al so regresu, la so esposa y él marcharon a Nueva York, onde trabayaron como modelos. El so deseyu yera actuar nel teatru, pero al nun poder facelo en Nueva York, foron a Asheville, en Carolina del Norte, y fixéronse cargu del teatru llocal como xestores y actores. En 1947 tornaron a Nueva York y esta vegada Heston recibió una ufierta pa intervenir na obra Antoniu y Cleopatra nun teatru Broadway. Heston tuvo éxitu y consiguió nueves ufiertes, tamién pa la televisión, mediu nel que fexo delles interpretaciones que tuvieron tamién una bona acoyida.

Carrera

Heston cuidó entós que llegara'l momentu de treslladase a Hollywood. El so xeitu fotoxénicu, la remestura de modestia y dignidá y la so poderosa presencia física y seriedá, diéron-y gran credibilidá nes actuaciones y abriéron-y les puertes del mediu hollywodwense siendo contratao pola Paramount Pictures.

La so primer película profesional foi Dark City en 1950, cola que llamó l'atención de los profesionales del cine. El so primer éxitu importante túvolo dos años más sero col papel de direutor de circu n'El mayor espectáculo del mundo y convirtióse nuna gran estrella del cine interpretando a Moisés en Los diez mandamientos, en 1956. Nos años siguientes, Heston actuó en delles grandes películes épiques, ente otres Ben-Hur, El Cid, 55 días en Pekín]], Khartoum y el tormento y el éxtasis, dalgunes d'elles cola producción de Samuel Bronston y rodaes n'España. Pol so trabayu en Ben-Hur ganó en 1960 el premiu Óscar al meyor actor principal.

Heston siempre lluchó por intervenir nes decisiones al respective de las películes nes que participaba. Asina, por exemplu, aguyó en 1958 a los estudios Universal pa que fora Orson Welles quien lo dirixera en Touch of Evil (Sed de mal), y dizse qu'aidó a financiar la fin del rodaxe. En 1965 enfrentóse a los productores de Major Dundee, cuando queríen interferir na direición del so direutor Sam Peckinpah.

Una hábil escoyeta de papeles permitió-y allargar la carrera a una edá madura, ensin llimitase a una imaxe de galán. A fines de los años sesenta y nos años setenta caltúvose en primer llinia con películes de ciencia ficción como El último hombre vivo (1971) y El planeta de los simios, saga (1968-1973) que se tornó nun clásicu del xéneru. Heston tamién participaría (curtiamente) nel remake dirixíu en 2001 por Tim Burton. Convirtióse nun rostru avezáu nel cine de castátrofes: protagonizó Aeropuerto 75 y en Terremoto tuvo por pareya a Ava Gardner.

Pola so película Soylent Green (Cuando el destino nos alcance), Heston ganóse les simpatíes de collectivos mozos ecoloxistes. Ente 1966 y 1971 foi presidente de l'Asociación d'Actores de Cine.

Nos años 70-90, Heston caltuvo'l so estatus d'estrella como secundario de luxu en superproducciones como Los tres mosqueteros (onde interpretó al Cardenal Richelieu) y Mentiras arriesgadas. Trabayó tamién en televisión, en series como Los Colby y Dinastía interpretando'l papel de Jason Colby, y onde compartió protagonismu con la mítica Barbara Stanwyck. Ya nos 90 grabó Camino de Santiago n'España.

Asociación Nacional del Rifle

Heston foi mui conocío tamién por tener sío presidente ente 1998 y 2003 de la National Rifle Association (Asociación Nacional del Rifle), dede la que defendió ardientemente'l drechu a la llibre posesión d'armes de fuegu n'Estaos Xuníos. El direutor de cine Michael Moore entrevistó a Heston nel so documental Bowling for Columbine, onde s'aborda la tema de la Masacre del istitutu Columbine nel Condáu de Jefferson (Colorado) en 1999. Dempués de la masacre, Heston dirixera un mitin de la NRA xustamente nesi condáu, magar les autoridaes y los familiares de les víctimes-y pidieran que nun lo fixera. Heston, desoyendo los pedíos, decidió facer el mitin de toes formes, polo que dalgunos interpretaron el so xacer como una provocación.

Vida final

En 2002 Charlton Heston anunció que padecía una demencia dexenerativa semeyada a la enfermedá d'Alzheimer y retiróse de la vida pública.

Heston, quien escribió dellos llibros autobiográficos, finó a los 84 años na so residencia de Beverly Hills el 5 d'abril de 2008, acompañáu pola so esposa Lydia, a la que conoció na universidá y con quien tuvo casao 64 años. El matrimoñu tuvo un fíu que ye actor, Fraser Heston y una fía.

Filmografía

• Papa Rua Alguem 5555 (2002)
• The Order (2001)
• Town & Country (2001)
• El planeta de los simios (2001) (2001)
• Any Given Sunday (1999)
• Gideon (1999)
• Hamlet (1996)
• Alaska (1996)
• In the Mouth of Madness (1995)
• True Lies (1994)
• Tombstone (1993)
• Wayne's World 2 (1993)
• The Big Alexander (1993)
• Symphony for the Spire (1992)
• Crash Landing: The Rescue of Flight 232 (1992)
• Solar Crisis (1990)
• Treasure Island (1990)
• Un hombre para la eternidad (1988)
• Mother Lode (1982)
• The Awakening (1980)
• The Mountain Men (1980)
• Gray Lady Down (1978)
• Crossed Swords (1978)
• La batalla de Midway (1976)
• Two Minute Warning (1976)
• Los últimos hombres duros (1976)
• Los cuatro mosqueteros (1974)
• Terremoto (1974)
• Aeropuerto 75 (1974)
• Los tres mosqueteros (1973)
• Cuando el destino nos alcance (1973)
• Antonio y Cleopatra (1973)
• Call of the Wild (1972)
• Skyjacked (1972)
• The London Brige Special (1972)
• El último hombre vivo (1971)
• Julio César (1970)
• The Hawaiians (1970)
• Regreso al Planeta de los Simios (1970)
• Number One (1969)
• Will Penny (1968)
• El planeta de los simios (1968)
• Counterpoint (1968)
• Khartoum (1966)
• The War Lord (1965)
• El tormento y el éxtasis (1965)
• Major Dundee (1965)
• La historia más grande jamás contada (1965)
• 55 días en Pekín (1963)
• Diamond Head (1963)
• The Pigeon That Took Rome (1962)
• El Cid (1961)
• Ben-Hur (1959)
• The Wreck of the Mary Deare (1959)
• The Buccaneer (1958)
• Horizontes de grandeza (1958)
• Touch of Evil (1958)
• Three Violent People (1957)
• Los diez mandamientos (1956)
• Lucy Gallant (1955)
• The Private War of Major Benson (1955)
• The Far Horizons (1955)
• El secreto de los Incas (1954)
• Cuando ruge la marabunta (1954)
• Bad for Each Other (1953)
• Arrowhead (1953)
• Pony Express (1953)
• The President's Lady (1953)
• Ruby Gentry (1952)
• The Savage (1952)
• El mayor espectáculo del mundo (1952)
• Dark City (1950)

Premios

Premios Oscar

Añu	Categoría	Película	Resultáu
1978	Premiu Humanitariu Jean Hersholt		Ganador
1959	Meyor Actor	Ben-Hur	Ganador

Globos d'Oru

Añu	Categoría	Película	Resultáu
1967	Premiu Cecil B. DeMille		Ganador
1963	Meyor Actor - Comedia o musical	The Pigeon That Took Rome	Candidatu
1962	Henrietta Award		Ganador
1960	Meyor Actor - Drama	Ben-Hur	Nomináu
1957	Mejor Actor - Drama	Los diez mandamientos	Nomináu

Enlaces externos

• Wikimedia Commons acueye conteníu multimedia sobre Charlton Heston.
• Charlton Heston na Internet Movie Database (n'inglés)