Ir al contenido

Diferencies ente revisiones de «Yemelián Pugachov»

1359 bytes desaniciaos ,  hai 4 años
m
Iguo testu: -"pequenu" +"pequeñu"
m (Preferencies llingüistíques)
m (Iguo testu: -"pequenu" +"pequeñu")
 
== Procedencia ==
Yemelián Pugachov nació nel pueblu [[Zimoveiskaya]] na [[Óblast del Voisko del Don]] (güei Distritu Kotelnikov na [[Óblast de Volgogrado]]). Dempués de la insurrección de Pugachov, la provincia foi renombrada pa convertise en ''Potemkinskaya,'' y foi treslladada a 2 km del sitiu orixinal. Dende 1917 lleva'l nome de [[Pugachovskaya]]. Especúlase, qu'este foi tamién el pueblu natal de [[Stenka Razin]]; líder de la insurrección popular de los años 1670 – 1671. L'apellíu Pugachov surdió a partir del llamatu del so güelu; Mijail ''Pugach'' (en rusu: que respiga). El padre, Ivan Mijailovich Pugachov, finó en 1762. La madre, Anna Mijailovna, finó en 1771. El so hermanu llamábase Dementiy, y los sos dos hermanes; Uliana y Fedosia. El mesmu Pugachov dixo nel interrogatoriu que la so familia pertenecía a la relixón ortodoxa, a diferencia de la mayoría de los [[cosacos del Don]] y del [[Ríu Ural|Yaik]], que yeren vieyos creyentes. El padrín del so fíu Timoféi foi l'ortodoxu Alekséi.
 
== Deserción y rebelión ==
 
Nacíu nuna familia de [[cosacos del Don]], a los dieciocho años Pugachov foi reclutado a encomalo pol [[Exércitu Imperial Rusu|exércitu rusu]], como yera habitual entós daquella, y separáu de la so familia. Combatió contra los prusianos na [[Guerra de los Siete Años]] (1756- 1763). En setiembre 1773, en desertando del exércitu rusu dempués de participar en tres guerres, disgustáu pol gobiernu de la [[zarina]] [[Catalina la Grande]] d'orixe alemán, lideró una revuelta de los [[cosacos del Don]] a lo llargo de la cuenca del [[Volga]] y del baxu [[Ural]], dándose a conocer como'l fináu zar [[Pedru III de Rusia|Pedru III]], yá que a miles de kilómetros de distancia de [[San Petersburgu]] naide conocía l'apariencia del zar que morriera asesináu casi diez años tras.
 
El llevantamientu de Pugachov empezó con unos pocos centenares de cosacos, pero llegó a poner en peligru la estabilidá del gobiernu imperial na rexón del Volga, anque les autoridaes primeramente emprestáronlu bien poca atención. Les principales razones del llevantamientu, según paez, yeren les míseres condiciones de los cosacos, que pasaren a un segundu planu social, y polo xeneral de tola servidume rusa, que vivía práuticamente en condiciones de [[esclavitú]] pa los sos señores, según la estructura social y de poder que imperaba na Rusia d'aquel entós.
Pugachov supo ganase simpatíes ente les mases aprobetaes al proclamase directamente como'l zar Pedru III (y non como un simple usurpador carismáticu) y mover series turbulencias polítiques nes provincies imperiales ruses, sobremanera nes de [[Astracán]] y de [[Oremburgu]], movilizando una tropa numberosa de rebeldes, con sofitu de clérigos locales, tanto cristianos oriodoxos como protestantes, ya incorporando a les sos files cosacos, llabradores rusos, tártaros, y turcomanos, toos descontentos cola so situación inferior dientro de la sociedá rusa.
 
La revuelta llogró importantes victories atacando primeru pequenospequeños destacamentos militares nuna rexón tradicionalmente pocu atendida pol gobiernu zarista, una y bones la mayoría de les fuerces de combate ruses topar nel frente turcu, intentando abrir una salida al mar pol puertu de [[Azov]]. L'autoridá central nun emprestaba mayor importancia a la revuelta, hasta cuando se supo que Pugachov y los sos homes controlaben yá una estensa rexón nes planicies al este de los Urales.
 
La cara de Pugachov pintóse sobre un cuadru de [[Catalina la Grande]] dexando namái los güeyos de la zarina, como un actu d'humildación al poder, mientres Pugachov creaba una improvisada burocracia civil y militar colos sos siguidores más capaces, copiando no posible la estructura del réxime de Catalina la Grande. La violencia del so exércitu foi aumentando, atacando les grandes finques de los terratenientes, asesinando a los que fueren los sos señores y violando y matando a les sos muyeres y fíes.