Enteru (tipu de datu)

Un tipu de datu enteru n'informática ye un tipu de datu que pue representar un soconxuntu finitu de los númberos enteros. El númberu mayor que puede se representar depende del espaciu usáu pol datu y la posibilidá (o non) de representar númberos negativos. Los tipos de datu enteru disponibles y el so tamañu dependen del llinguaxe de programación usáu según l'arquiteutura en cuestión. Por exemplu, si para almacenar un númberu enteru disponemos de 4 bytes de memoria tenemos que:

4 bytes = 4 × 8 = 32 bits

Con 32 bits puen representase 2³²=4294967296 valores:

Solo positivos (enteros ensin signu): del 0 al 4294967295

Positivos y negativos (enteros con signu): del −2147483648 al 2147483647

Operaciones con enteros

Les típiques operaciones aritmétiques: suma, resta, multiplicación y división pueden realizase con datos de tipu enteru. Nel casu de la división, la resultancia podría ser un valor real, nesi casu, si la resultancia habíase d'almacenar como enteru la parte decimal de la resultancia tendrá de ser esaniciada, en principiu hai dos métodos para faelo:

L'arredondiadura: averar el valor real al enteru más cercanu (Ex: 3,8 → 4 / 3,2 → 3)
El truncamientu: esaniciar del valor real la parte decimal (Ex: 3,8 → 3 / 3,2 → 3)

Otra operación importante que puede realizase con númberu enteros ye la operación de módulu o restu de la división entera, esto ye:

184 dividíu 3 = 61 (restu 1) --> 184 módulu 3 = 1

Polo xeneral la operación módulu cumple que:

a mod b = c

c ≥ 0

c < b

si c ye igual a 0 --> a ye múltiplu de b

si c ye igual a 0 y b ye igual a 2n (siendo n un númberu enteru mayor o menor a 0) --> a (Ye Par)

L'overflow

Si nun programa d'ordenador inténtase asignar a un enteru un valor que ta fora del rangu de los valores que pueden representase (Ex: a=2⁴⁰) produzse un fallu que se conoz col nome de overflow (llena n'inglés). Cuando esto asocede, lo habitual ye que'l programa siga funcionando como si nada pasara, pero'l nuevu valor quedaría establecíu en 0, si l'overflow producese nun enteru ensin signu; y en -2³¹ si produzse nun enteru con signu.

Ver tamién

Tipu de datu

Referencies

Enllaces esternos