Elizabeth Perkins

De Wikipedia
Saltar a navegación Saltar a la gueta
Elizabeth Perkins
Elizabeth Perkins
Elizabeth Perkins 2008.jpg
Vida
Nacimientu

Queens18 de payares de 1960

(57 años)
Nacionalidá Bandera de Estaos Xuníos d'América Estaos Xuníos
Familia
Casáu/ada con Terry Kinney  (27 marzu 1984 -  10 ochobre 1988)
Julio Macat  (17 xunu 2000 -
Estudios
Estudios Northfield Mount Hermon School
Oficiu
Oficiu actor, actor de televisión, actor de cine y actor de voz
IMDb nm0001610
elizabeth-perkins.org
Cambiar los datos en Wikidata

Elizabeth Ann Perkins (n. 18 de payares de 1960; Queens, Nueva York, Estaos Xuníos) ye una actriz de cine, televisión y teatru d'Estaos Xuníos. Candidata a los Globos d'Oru, los Premios Emmy y los Premios del Sindicatu d'Actores.[1] Conocida poles sos intervenciones en películes como Big (1988), The Flintstones (1994), 28 Days (2000), The Ring Two (2005) y la serie de televisión Weeds (2005-2009).

Biografía[editar | editar la fonte]

Elizabeth Perkins nació'l 18 de payares de 1960 en Queens, Nueva York, Estaos Xuníos y creció nel estáu de Vermont.[2] El so padre escribió pa Playboy, The Saturday Evening Post y Times Mirror Co, por ello la so ambición secreta foi siempres ser escritora. Dempués de rematar los sos estudios universitarios vivió mientres tres años na ciudá de Chicago, onde estudió interpretación na famosa escuela Goodman School for Drama.[2] De regresu a Nueva York intervieno en 1984 na so primer obra de teatru. Darréu trabayó con delles compañíes de teatru, y dende entós consideró'l teatru como la so prioridá profesional.[2] Tuvo casada en dos causes, la primera d'elles col tamién actor Terry Kinney (1984-1988), divorciándose'l 10 d'ochobre. Darréu casóse con Julio Macat el 17 de xunu de 2000.[2] Amás tien una fía llamada Hannah Jo Phillips, nacida'l 1 de setiembre de 1991, sicasí, nun ye frutu de nengún de los dos matrimonios, sinón que'l padre ye'l direutor Maurice Phillips.[2]

Carrera[editar | editar la fonte]

Elizabeth Perkins consiguió'l so primer personaxe importante na película Big (1988), protagonizada por Tom Hanks, siendo bien recibida pola prensa especializada y recaldando más de 151 millones de dólares nes taquilles mundiales.[3][4] El mayor ésitu de la so carrera llegó cola adaptación cinematográfica de The Flintstones titulada The Flintstones (1994), na qu'interpretaba al personaxe de Vilma, na que compartía cartelu con John Goodman, Rick Moranis, Rosie O'Donnell y Halle Berry. La película nun foi bien acoyida pola mayoría crítica pero foi un gran ésitu sumando más de 340 millones de dólares.[5][6] Darréu llegaríen Crazy in Alabama (1999), debú na dirección de Antonio Banderas, protagonizáu por Melanie Griffith y el drama 28 Days (2000), na qu'interpretaba a la hermana mayor de Sandra Bullock. Tamién emprestaría la so voz a la cinta animada Finding Nemo (2003), que ganó'l Óscar a la meyor película d'animación y recaldó más de 860 millones nes taquilles mundiales.[7][8]

Participaría en papeles secundarios en The Ring Two (2005), protagonizada por Naomi Watts, na qu'interpretaba a la doctora Emma Temple y na comedia romántica Must Love Dogs (2005), na qu'apaecía con John Cusack y Diane Lane, interpretando a la íntima amiga d'ésta última. En 2005 empezó a rodar la serie de televisión Weeds, que-y supunxo diverses candidatures al Globu d'Oru a la meyor actriz de repartu nuna serie, miniserie o telefilme, al Premiu del Sindicatu d'Actores a la meyor repartida nuna serie de televisión - Comedia y al Emmy a la meyor actriz de repartu nuna serie - Comedia.[1]

Filmografía[editar | editar la fonte]

  • Filmografía destacada.[9]
Añu Película Notes
1986 about last night
1988 Big
1991 The doctor
1994 The Flintstones

Moonlight and Valentino 1995

Miracle on 34th Street
1997 Rescuers: Stories of Courage: Two Women
1998 I'm Losing You
1999 Crazy in Alabama
2000 28 Days
2001 Como perros y gatos
2002 Try Seventeen
2003 Finding Nemo Voz
2004 Speak Joyce Sordino
2005 The Ring Two
Must Love Dogs
Weeds (TV) 63 episodios
Kids in America
2011 Hop: Rebelde ensin Pascua

Premios[editar | editar la fonte]

Globos d'Oru
Añu Categoría Película Resultáu
2007 Meyor actriz de repartu nuna serie, miniserie o telefilme Weeds Candidata
2006 Meyor actriz de repartu nuna serie, miniserie o telefilme Weeds Candidata
Premios del Sindicatu d'Actores
Añu Categoría Película Resultáu
2009 Meyor repartida nuna serie de televisión - Comedia Weeds Candidata
2007 Meyor repartida nuna serie de televisión - Comedia Weeds Candidata
Premios Emmy
Añu Categoría Persona Resultancia
2009 Anexu:Primetime Emmy a la meyor actriz de repartu - Serie de comedia Meyor actriz de repartu nuna serie - Comedia Weeds Candidata
2007 Anexu:Primetime Emmy a la meyor actriz de repartu - Serie de comedia Meyor actriz de repartu nuna serie - Comedia Weeds Candidata
2006 Anexu:Primetime Emmy a la meyor actriz de repartu - Serie de comedia Meyor actriz de repartu nuna serie - Comedia Weeds Candidata

Referencies[editar | editar la fonte]

  1. 1,0 1,1 Consultáu en 2010Premios y nominaciones de Elizabeth Perkins imdb (n'inglés)
  2. 2,0 2,1 2,2 2,3 2,4 Consultáu en 2010Biografía de Elizabteh Perkins imdb (n'inglés)
  3. Consultáu en 2010Respuesta crítica a Big Rotten Tomatoes (n'inglés)
  4. Consultáu en 2010Recaldación de Big Box Office Mojo (n'inglés)
  5. Consultáu en 2010Respuesta crítica a The Flintstones imdb (n'inglés)
  6. Cponsultado en 2010Recaldación de The flintstones Box Office Mojo (n'inglés)
  7. Consultáu en 2010Premios y nominaciones de Finding Nemo imdb (n'inglés)
  8. Consultáu en 2010Recaldación de Finding Nemo Box Office Mojo (n'inglés)
  9. Consultáu en 2010Filmografía completa de Elizabeth Perkins imdb (n'inglés)

Enllaces esternos[editar | editar la fonte]