El Hobbit

De Wikipedia
Saltar a: navegación, buscar
El Hobbit
The Hobbit - title page of first American print.jpg
Conxuntu de les reimpresiones de la segunda edición estaunidense de Houghton Mifflin d'El Hobbit.
Datos
Autor John Ronald Reuel Tolkien
Fecha 21 setiembre 1937
Xéneru fantasía juvenil, novela infantil y novela de fantasía
Títulu orixinal The Hobbit, or There and Back Again
Llingua orixinal inglés
País orixinal Bandera del Reinu Xuníu Reinu Xuníu
Ilustrador orixinal John Ronald Reuel Tolkien
Serie de llibros Legendarium de la Tierra Media
OCLC 61476777
Traductor Miguel Gallego Gómez
Cambiar los datos en Wikidata


El Hobbit (publicáu n'asturianu como El Hobbit. N'Asturianu; nel orixinal inglés, The Hobbit) ye una novela de J.R.R. Tolkien, foi espublizada'l 21 de setiembre de 1937, traduciéndose per primer vegada n'asturianu nel añu 2014. Aniciada ente los años 1930 y 1931, esta obra de corte infantil foi la primera que s'asoleyare, onde Tolkien esploraba l'universu mitolóxicu de la Tierra del Mediu que llueu s'encargaría de definir en The Lord of the Rings y The Silmarillion, perfilándose dellos de los personaxes que darréu participaríen de forma peractiva en The Lord of the Rings (Como Gandalf y Bilbo).

Argumentu[editar | editar la fonte]

La historia, asitiase cronolóxicamente unes poques decenes d'años enantes de les aventures de The Lord of the Rings, narra'l viaxe d'un hobbit nomáu Bilbo Bolsona (tíu de Frodo, ún de los protagonistes cimeros de The Lord of the Rings), al que nun-y presten les aventures, al Monte Solitariu a la gueta de l'ayalga robada pol dragón Smaug años antrás. Too entama un inesperáu día nel que Bilbo recibe la visita de Gandalf el Gris xunto con 13 nanos, ente los que se cunta a Thorin Escuducarbayu, qu'a la so familia-y foi robada l'ayalga. Dellos de los fechos narraos n'El Hobbit influyirán nos asocedíos posteriores de The Lord of the Rings.

Análisis[editar | editar la fonte]

Anque l'análisis de la obra lleva invariablemente a la engarradiella cola so "hermana mayor", The Lord of the Rings, nun ye posible facer una comparanza ente elles, pues el tonu y estilu ye estremáu dafechu, yá que taba destináu por completo a un públicu infantil. De fechu, la obra foi escrita nun entamu pa los sos fíos, y foi'l fíu del editor George Unwin, de diez años, el que por una paga (un chelín), escribió un resume de la obra y aconseyó la so edición; esi "informe" entá pue ser consultáu.

D'otra miente, nun hai que dubiar que nel universu particular del autor, esta novela anticipaba los asocedíos relataos darréu en The Lord of the Rings, ye equí onde ta la bas de lo que sedría la so obra posterior.

Por mor de que Tolkien non siempres tuvo ñidio'l realizar una continuación d'esta obra, una vez creáu The Lord of the Rings, tuvo que facer dellos camudamientos col envís de que dambes obres tuvieren la coherencia afayadiza.

Edición[editar | editar la fonte]

Primera edición: 1937
Primera edición n'asturianu: 2014
Títulu: El Hobbit. N'Asturianu
Autor:Tolkien, J. R. R.
Traductor: Miguel Gallego Gómez Editor: Ediciones Terrier

Enllaces esternos[editar | editar la fonte]