El Señor de los Aniellos

De Uiquipedia
Saltar a: navegación, buscar
El Señor de los Aniellos
Unico Anello.jpg
Autor John R.R. Tolkien
Xéneru Novela/
Fantasía épica
Llingua Inglés
Títulu orixinal The Lord of the Rings
Editorial Ediciones Minotauro
País Bandera de Inglaterra Inglaterra
Fecha de publicación 1954
Formatu Impresu
Páxines 1.368
ISBN ISBN 84-450-7032-0
Serie
El Ḥobbit El Señor de los Aniellos Les aventures de Tom Bombadil y otros poemes d'El Llibru Encarnáu

El Señor de los Aniellos (n'inglés The Lord of the Rings) ye una hestoria de fantasia épica escrita por John R.R. Tolkien, como secuela de la so primer obra, El Hobbit. Asoleyóse orixinalmente en trés volúmenes (La Hermandá del Aniellu, Les Dos Torres y El Retornu del Rei), de 1954 a 1955. Entá nun foi traducida al Asturianu.

Fixéronse dos adaptaciones al cine, la más destacada foi la triloxía de Peter Jackson (2001-2003), qu'entá nun foi doblada al asturianu.

Tou l'universu ficticiu de la novela atópase na denomada Tierra del Mediu, onde los Pueblos Llibres (homes, elfos i nanos, aidaos polos hobbits) llibren una batalla titánica escontra les fuercies del Mal llideraes por Sauron, que quier algamar el Aniellu de Poder Maliñu que-y quitaren nuna batalla anterior.

El nome de la novela vien precisamente de Sauron, Señor Escuru de Mordor, que fexo l'Aniellu de Poder y, poro, ye'l "Señor de los Aniellos", a quien fai referencia'l títulu. Sauron yera'l sirviente d'un señor escuru anterior: Morgoth (o Melkor), ún de los protagonistes d'El Silmarillion de Tolkien.

Sinopsis[editar | editar la fonte]

Hobbiton, llugar au habiten los hobbits.

Magar que seya una obra independiente ella sola. El Señor de los Aniellos ye tamién la última parte d'un ciclu mitolóxicu muncho más llargu. L'aición desendólcase no que ye concebío como la Tierra real habitada pola humanidá, pero nun tiempu imaxinariu. Tolkien denómalo la Tierra del Mediu, remembrando'l Midgard n'inglés antiguu.

La hestoria principal sacantes l'argumentu, entama miles d'años enantes de los fechos escritos na novela, col ascensu del denomáu Señor de los Aniellos, el Señor Escuru, un espíritu maliñu d'enorme poder y que gobierna l'espantible reinu de Mordor.

En finando la Primera Edá de la Tierra del Mediu, Sauron sobrevive a la derrota del so maestru: Mórgoth. A lo llargo de la segunda edá, Sauron conspira p'algamar el dominiu sobro la Tierra del Mediu. Antroxáu como "Annatar", o Señor de los dones, ayuda a Celebrimbor y a otros ferreros élficos d'Erexón a forxar los Aniellos de Poder. Con too y con esto Sauron fai secretamente l'Aniellu Únicu col que podrá esclavizar a los sos portadores.

Trés Aniellos pa los Reis Elfos embaxo'l cielu.
Siete pa los Señores Nanos nos sos palacios de piedra.
Nueve pa los Homes mortales, condergaos a morrer.
Ún pal Señor Escuru, sobro'l tronu escuru
na Tierra de Mordor au s'estienden les Solombres.
Un Aniellu pa gobernalos a toos. Un Aniellu p'afayalos
un Aniellu p'atrayelos a toos y arreyalos nes borrines,
na Tierra de Mordor au s'estienden les Solombres
-J.R.R. Tolkien, El Señor de los Aniellos


Un Ent, personaxe de la novela

El plan fracasa cuando los elfos lu descubren y tapecen los sos aniellos. Sauron llanza entós una campaña militar na que captura los Siete Aniellos y los Nueve Aniellos y distribúilos entre los señores de los Nanos y los Homes respeutivamente. Los Nanos resulten muncho más difíciles d'esclavizar, pero los homes que tienen los Nueve, queden embaxo'l poder de los aniellos y devienen en Nazgûl, los nueve sirvientes más espantibles. Los tres Aniellos, que Sauron nun foi pa garrar, queden en posesión de los elfos. Galadriel quédase con Nenya, Círdan con narya i primero Gil-Galad y dempués Elrond con vilya.

El rei de Númenor, Ar-Pharazôn, aporta con un exércitu enorme y apresa a Sauron. D'entós p'acá, el Señor Escuru desencadena una serie d'eventos que finen por llevar a Númenor a la destrucción y fuxe en forma d'espíritu pa Mordor, onde algama una nueva forma y llanza un ataque escontra los exiliaos numenóreanos llideraos por Élendil y los sos fillos n'Ísildur y n'Anárion. Los esiliaos, tienen tiempu de preparase formando la Última Alianza ente Elfos y Homes col rei de los Éldar, Guil-Galad. Xuntos marchen pa Mordor y llevanten asediu na fortaleza de Barad-dûr. A la fin, el mesmu Sauron enfréntase en combate escontra los llíderes de l'Alianza. Guil-Galad i Élendil muerren, pero algamen la derrota de Sauron. Ísildur garra la espada frayada del so pá y emplégala p'arramplar col Aniellu Únicu de la mano del propiu Sauron, y, n'esti momentu, l'espíritu del Señor Escuru fuxe pa nun tornar a apaecer en munchos sieglos.

D'esi xeitu entama la Tercera Edá de la Tierra del Mediu. Un poco más tarde, demientres viaxaba p'Hacia Rivendell, ataquen a Ísildur una banda d'orcos y muerre. L'Aniellu escápase-y y fina nel Rigu Ánduin.

N' El Hobbit, la precuela d'El Señor de los Aniellos, Tolkien desplica la hestoria del aparentemente accidental alcuentru de l'Aniellu por parte del hobbit Bilbo Bolsín.

El Señor de los Aniellos continua la hestoria dellos años dempués del final d'El Hobbit. Narra les aventures d'una coalición de munches races de la Tierra del Mediu, incluyendo Elfos, Nanos, Hobbits y Homes, cola misión de destruyir el terrible Aniellu del Poder ya impedir asina la única oportunidá que tien Sauron de tornar a los sos plenos poderes.

Artículos rellacionaos[editar | editar la fonte]

Imáxenes[editar | editar la fonte]