Lliteratura xuvenil

De Wikipedia
Lliteratura xuvenil
subconjunto de literatura (es) Traducir, xéneru lliterariu y disciplina académica
ficción para jóvenes (es) Traducir
Cambiar los datos en Wikidata

Lliteratura xuvenil ye aquella especialmente dirixida a llectores que traviesen pola mocedá, magar non puramente.[1] Esti conceutu va de cutiu xuníu al de lliteratura infantil, enunciándose como lliteratura infantil y xuvenil, magar guarden delles carauterístiques diferenciadoras ente ellos.

A esti tipu de lliteratura quíxose-y tradicionalmente dar unes funciones tantu d'entretenimientu, como didáctica y de formación del vezu llector.[2]

Les temes trataes na lliteratura xuvenil nun difieren n'enforma de los de la lliteratura d'adultos (amor, traxedia, guerra...) magar se-yos da un tratamientu bastante más llinial tanto a estos como a los personaxes, siendo estos postreros de poca variabilidá psicolóxica. Esta interiorización embrívese dando mayor importancia a l'acción qu'a la carauterización psicolóxica de los personaxes. Coles mesmes, los personaxes suelen ser creaos por que'l públicu llector pueda identificase con ellos, especialmente los protagonistes.[3] Sicasí, dellos autores señalaron lo conveniente de qu'esta lliteratura, pol so calter d'esperiencia y la influyencia que tien n'el llectores, hai d'escoyer curioso les sos temes. Nesti sentíu, suelse señalar como tema xenérica la busca d'identidá del protagonista, al empar que la identificación del llector con él.[4]

Llinguaxe[editar | editar la fonte]

El vocabulariu d'esti tipu de lliteratura ye ampliu, y suel fuxir de pallabres alloñaes del usu cotidianu, lo mesmo que de recursos lliterarios difíciles. Esi léxicu fayadizu puede amás incidir nel so aspeutu más didácticu na formación del vocabulariu del llector.[2] Nesti sentíu, de cutiu atopamos que les editoriales estremen les sos coleiciones de lliteratura xuvenil por edaes, atendiendo a esti factor. L'oxetivu de la lliteratura xuvenil ye'l escapismo, la gratificación instantánea, la señardá y ser daqué prestosa y amenu pal llector.

Referencies[editar | editar la fonte]

La lliteratura xuvenil namái ye pa moces y adultos (Hayat Johari)

Ver tamién[editar | editar la fonte]