Edward Arnold

De Wikipedia
Saltar a navegación Saltar a la gueta
Edward Arnold
Edward Arnold fsa 8b06651.jpg
Vida
Nacimientu Nueva York18  de febreru de 1890
Nacionalidá Bandera de Estaos Xuníos d'América Estaos Xuníos
Fallecimientu

Encino26  d'abril de 1956

(66 años)
Sepultura San Fernando Mission Cemetery Traducir
Causa de la muerte hemorraxa cerebral
Oficiu
Oficiu actor, autobiógrafu, actor de teatru, sindicalista y actor de cine
Creencies
Partíu políticu Partíu Republicanu de los Estaos Xuníos
IMDb nm0036427
Cambiar los datos en Wikidata
Edward Arnold

Edward Arnold (Nueva York, 18 de febreru de 1890Encino, 26 d'abril de 1956) foi un actor estauxunidense. El so verdaderu nome yera Gunther Edward Arnold Schneider, y los sos padres fueron los inmigrantes alemanes Carl Schneider y Elizabeth Ohse.

Comenenciudu na interpretación dende la so mocedá (apaeció per primer vegada na escena a los 12 años interpretando a Lorenzo en El mercader de Venecia), Arnold debutó profesionalmente nel teatru en 1907, coprotagonizando xunto a Ethel Barrymore Dream of a Summer Night. Atopó trabayu como extra nos Essanay Studios y World Studios, enantes de consiguir el so primar papel importante en 1916 en The Misleading Lady. En 1919, dexó'l cine pa volver al teatru, y nun fixo más películes hasta 1932, cuando debutó nel cine sonoru con Okay America!. El so papel na película de 1935 Diamond Jim (L'home de los brillantes) llanzó-y al estrellalgu. Retomó'l so papel de Diamond Jim Brady na película de 1940 Lillian Russell (La reina del cantar).

Arnold (esquierda) con J. Carroll Naish, nuna escena de
Annie Get Your Gun (1950).

Arnold trabayó nunes 150 películes. Anque foi etiquetáu de box office poison (venenu de taquilla) en 1938 por una publicación especializada (compartió esta dudosa distinción con Katharine Hepburn, ente otros), nunca-y faltó trabayu. A pesar de que pasu ente pasu foi dexando los papeles principales, foi un actor tan solicitáu que de cutiu trabayaba en dos películes al empar.

Foi espertu na interpretación de gañines y de representantes de l'autoridá. Fíxose famosu polos sos papeles en Come and Get It (Rivales) (1936), Sutter's Gold (1936), The Toast of New York (L'ídolu de Nueva York) (1937), You Can't Take It With You (1938), Mr. Smith Goes to Washington (1939) and The Devil and Daniel Webster (L'home que vendió la so alma) (1941). Foi'l primer actor n'encarnar al famosu detective Nero Wolfe, creáu por Rex Stout, protagonizando Meet Nero Wolfe (1936), la película basada na primer novela de la serie. Tamién foi'l detective ciegu Duncan Maclain en dos películes basaes nes noveles de Baynard Kendrick, Eyes in the Night (1942) y The Hidden Eye (1945). De 1947 a 1953, Arnold protagonizó'l programa radiofónicu de l'ABC Mr. President. Ente les sos apaiciones en televisión, puede mentase l'estrenu de Twelve Angry Men, de Reginald Rose, en 1954.

Arnold foi unu de los actores preferíos de Frank Capra, y trabayó con él en tres películes.

Foi presidente del Screen Actors Guild dende 1940 a 1942. Dende la década de los cuarenta, sofitó la política del Partíu Republicanu de los Estaos Xuníos, y mentóse-y como un posible candidatu del partíu a les eleiciones pal Senáu de los Estaos Xuníos. Darréu adoptó una postura ríxida contra los presuntos comunistes de Hollywood, al empar qu'intentaba protexer a los actores frente al HUAC. Foi tamién co-fundador de la fundación I Am An American (Soi un americanu).

Casóse tres veces: con Harriet Marshall (1917-1927), cola cual tuvo tres fíos: Elizabeth, Jane y William (que tuvo una curtia carrera col nome de Edward Arnold, Jr.); con Olive Emerson (1929-1948) y con Cleo McLain (de 1951 hasta la muerte de Arnold). Finó na so casa de Encino, California, por causa d'una hemorraxa cerebral, y foi soterráu nel campusantu San Fernando Mission.

Filmografía escoyida[editar | editar la fonte]

  • The Misleading Lady (1916)
  • Okay America! (1932)
  • Three on a Match (1932)
  • I'm Non Angel (Nun soi nengún ánxel) (1933)
  • Roman Scandals (Escándalos romanos) (1933)
  • Thirty Day Princesa (Princesa per un mes) (1934)
  • The Glass Key (La llave de cristal) (1935)
  • Diamond Jim (L'home de los brillantes) (1935)
  • Come and Get It (Rivales) (1936)
  • The Toast of New York (L'ídolu de Nueva York) (1937)
  • You Can't Take It With You (1938)
  • Caballero ensin espada (1939)
  • Meet John Doe (Juan Naide) (1941)
  • The Devil and Daniel Webster (L'home que vendió la so alma) (1941)
  • Johnny Eager (1942)
  • Kismet (El príncipe méndigu) (1944)
  • Mrs. Parkington (La señora Parkington) (1944)
  • Ziegfeld Follies (1946)
  • The Hucksters (El vendedores) (1947)
  • Command Decisión (Sublime decisión) (1948)
  • Take Me Out to the Ballgame (1949)
  • Annie Get Your Gun (La reina del Oeste) (1950)
  • City That Never Sleeps (La ciudá que nunca duerme) (1953)
  • The Ambassador's Daughter (La fía del embaxador) (1956)
  • Miami Expose (1956)

Referencia[editar | editar la fonte]

  • *Traducíu direutamente de English Wikipedia

Enllaces esternos[editar | editar la fonte]