Demografía

De Uiquipedia
Saltar a: navegación, buscar
Mapa de países por población

La Demografía ye la ciencia que tien como oxetivu l'estudiu de les poblaciones humanes y que trata de la so dimensión, estructura, evolución y carauterístiques xenerales, consideraos dende un puntu vista cuantitativu. La Demografía estudia estadísticamente la estructura y la dinámica de les poblaciones humanes y les lleis que rixen estos fenómenos.

Tipos de Demografía:[editar | editar la fonte]

Los dos tipos o partes de la Demografía tan interrellacionaos ente sí y la separtación ye un tantu artificial, yá que l'oxetivu d'estudiu ye'l mesmu: les poblaciones humanes.

  • Demografía estática: Ye la parte la Demografía qu'estudia les poblaciones humanes nun momentu de tiempu determináu dende un puntu vista de dimensión, territoriu, estructura y carauterístiques estructurales.
  1. La dimensión ye'l númberu de persones que residen normalmente nun territoriu xeográficamente bien desllindáu.
  2. El territoriu ye'l llugar de residencia de les persones que pue globalizase o desagregase como pue ser una nación, rexón, provincia, ciudá, conceyu, etc.
  3. La estructura d'una población ye la clasificación de los sos habitantes según variables de persona. Sigún les Naciones Unies estes variables son: edá, sexu, estáu civil, llugar d' nacencia, nacionalidá, llingua falada, nivel de instrución, nivel económicu y fecundidá.
  • Demografía dinámica: Ye la parte de la Demografía que estudia les poblaciones humanes dende'l puntu vista de la evolución nel trescursu'l tiempu y los mecanismos polos que se modifica la dimensión, estructura y distribución xeográfica de les poblaciones, como son la natalidá, mortalidá, emigración ya imigración.

Fontes de la Demografía:[editar | editar la fonte]

Espresión de los datos demográficos:[editar | editar la fonte]

Historia de la Demografía:[editar | editar la fonte]

En 1798 Thomas Robert Malthus publicó la so obra llamada "Ensayo sobre el principio de la población", na qu'alvertía de la tendencia costante del crecimientu de la población humana superior al de la producción d' alimentu, ya informó de los dixebraos fautores qu'influyíen nesta medra como son: la guerra, la fame, la enfermedá, la anticonceución.

Importancia de la Demografía:[editar | editar la fonte]

  • Na Salú Pública:
  1. Ellaboración de tases y otros indicaores de salú.
  2. Estudios n' Epidemioloxía: Nos estudios epidemiolóxicos necesitense datos de la población y de la so distribución sigún carauterístiques de persona, llugar y tiempu.
  3. Planificación de la Salú Pública.