Debi Mazar

De Wikipedia
Saltar a navegación Saltar a la gueta
Debi Mazar
Debi Mazar
Debi Mazar 2009.jpg
Vida
Nacimientu

Jamaica Traducir13  d'agostu de 1964

(54 años)
Nacionalidá Bandera de Estaos Xuníos d'América Estaos Xuníos
Oficiu
Oficiu actriz de voz, actriz de cine y actriz de televisión
IMDb nm0000529
Cambiar los datos en Wikidata

Deborah Mazar (nacida'l 15 d'agostu de 1964), conocida como Debi Mazar, ye una actriz d'Estaos Xuníos. Nació nel barriu Xamaica de Queens, Nueva York, fía de Nancy y Harry Mazar. El so padre nació na República Socialista Soviética de Letonia, de familia xudía, ente que la so madre foi orixinalmente católica, pero depués convertiríase al xudaísmu y más tarde al budismu, tamién por un periodu de tiempu foi parte de los testigos de Jehová.[1]

Carrera[editar | editar la fonte]

Mazar empezó la so carrera como hip-hop b-girl na ciudá de Nueva York. La so primer participación en televisión foi nun programa piloto de hip-hop, Graffiti Rock, en 1984. Apaeció en cuatro videos musicales de Madonna: "Papa Don't Preach", "True Blue" (dambos en 1986), "Deeper and Deeper" (1992) y "Music" (2000). Mazar fixo tamién papeles como actriz de repartu en películes como Goodfellas (1990), The Doors (1991), Bales sobre Broadway (1994), y Batman Forever (1995). La so carrera ganó importancia col so papel na serie Civil Wars, a principios de los años 90. Cuando remató esta serie, siguió trabayando n'otra serie, La llei de Los Angeles, mientres 1993 y 1994.

Apaeció na popular serie Friends nun episodiu ("The One Where Rachel Has a Baby, Part One") de la octava temporada. Mazar fixo'l papel de "Doreen, la bruxa", una allunada embarazada que comparte el cuartu del hospital con Rachel. Mientres los años 2000 y 2002 fixo'l papel de "Jackie" na serie dramática That's Life.

Nel añu 2004, formó parte del repartu de la serie Entourage, una comedia orixinal de HBO. Tamién tuvo un papel na sitcom Viviendo con Fran, faciendo'l papel de Merrill, la prima del personaxe de Fran Drescher. Amás participó de la serie Ugly Betty, nel papel de Leah Stillman. Tamién apaeció nel capítulu 5 de la 2ª temporada de la seria de ABC "Castle", como axente del escritor Richard Castle.

Vida personal[editar | editar la fonte]

Casóse con Gabriele Corcos el 16 de marzu de 2002, y tienen dos fíos: Evelina Maria (nacida'l 12 de xunetu de 2002) y Giulia Isabel (nacida'l 17 de marzu de 2006).

Filmografía parcial[editar | editar la fonte]

Referencies[editar | editar la fonte]

Enllaces esternos[editar | editar la fonte]