Dean Riesner

De Wikipedia
Saltar a navegación Saltar a la gueta
Dean Riesner
Dean Riesner
Vida
Nacimientu Nueva York3  de payares de 1918
Nacionalidá Bandera de Estaos Xuníos d'América Estaos Xuníos
Fallecimientu

Encino18  d'agostu de 2002

(83 años)
Familia
Casáu/ada con Maila Nurmi  (1949 -
Oficiu
Oficiu guionista y actor
IMDb nm0726364
Cambiar los datos en Wikidata

Dean Riesner (3  de payares de 1918Nueva York - 18  d'agostu de 2002Encino), foi un guionista y actor estauxunidense.

Biografía[editar | editar la fonte]

El so nome completu yera Dean Franklin Riesner, y nació en Nueva Rochelle, Nueva York. El padre de Riesner, Charles Reisner, foi direutor cinematográficu, y Dean empezó a actuar nel cine a los cinco años d'edá. La so carrera como actor infantil acabó pos la so madre quería qu'él tuviera una infancia normal. Yá adultu, el so primer trabayu nel cine foi como coguionista del filme de 1939 protagonizáu por Ronald Reagan Code of the Secret Service.

Riesner ganó un Premiu Óscar honorariu por dirixir Bill and Coo (1948), un llargumetraxe protagonizáu por páxaros reales, qu'apaecíen vistíu como humanos, actuando nel decoráu más pequeñu posible, un pueblu en miniatura construyíu enriba d'una mesa.

A lo llargo de los años 1950 y 1960, Riesner trabayó principalmente na televisión, escribiendo guiones pa series como Rawhide o The Outer Limits (episodiu "Tourist Attraction"), anque dacuando contribuyó a llargumetraxes como The Helen Morgan Story. En 1968 collaboró nel filme d'acción de Clint Eastwood La xungla humana, empecipiando asina una serie de trabayos en producciones de Eastwood a lo llargo de los años 1970. Asina, Riesner participó nel guión de dos filmes de Eastwood en 1971, Play Misty for Me y Harry el puercu. En 1973, ensin creitos, intervieno nel guión de High Plains Drifter, y en 1976 foi unu de los guionistes de The Enforcer, la tercer película de Harry el puercu. Esi mesmu añu intervieno na miniserie de la NBC Rich Man, Poor Man, protagonizada por Nick Nolte. En 1979 escribió un borrador pa The Godfather Part III, pero'l so guión foi refugáu cuando Francis Ford Coppola y Mario Puzo finalmente alcordaron collaborar na tercer entrega de la serie.

Riesner siguió escribiendo nos años 1980, anque gran parte del so trabayu nesos años nun apaeció nos títulos de creitu. Ente los sos filmes figuren Das Boot, The Sting II, y Starman.

Dean Riesner finó en Encino, California, en 2002 por causes naturales. Había estáu casáu cola actriz Maila Nurmi, más conocida col nome artísticu de Vampira.

Filmografía[editar | editar la fonte]

Guionista[editar | editar la fonte]

Actor[editar | editar la fonte]

Referencies[editar | editar la fonte]

Enllaces esternos[editar | editar la fonte]