David Lafuente
David Lafuente | |
|---|---|
 | |
| Vida | |
| Nacimientu | 1982[1] (41/42 años) |
| Nacionalidá |
 España |
| Estudios | |
| Llingües falaes | castellanu |
| Oficiu | dibuxante d'historieta, ilustrador, caricaturista |
| davidlafuente.com | |
 | |
David Lafuente (1982) ye un dibuxante asturianu de cómic. Habitualmente vive en Londres.
Estudió na Escuela d'Arte d'Uviéu. Los sos primeros trabayos fueron asoleyaos nos años 1999 y 2000 na revista Interferencias. Darréu collabora con El Gomeru o La Guía Oca, asina como col diariu La Nueva España. Un fechu importante na so carrera ye la publicación de la obra Turismo Temporal, na editorial Kaleidoscope. Depués collaboró col guionista Jean-Marc Loffcier, dando títulos como Legion Loufoque y La Jeunesse de Kabur, asoleyaos pola editorial francesa Semic.
El 12 de xunetu de 2003, con guión de Jesús Neira y Iván López, entama a asoleyar nel periódicu La Nueva España una historieta titulada Galipote, qu'apaecería nel suplementu La Escalerona.
Un añu depués, de la mano d'Isaac del Rivero Jr., entama a publicar en El Gomeru la serie Love Explorer 6.0, una serie d'historietes medio comedia romántica, medio ciencia-ficción, que se vería interrumpida con unu de los parones sufridos pola revista por falta de financiación.
Nel añu 2005 publicó Qu4ttrocento, tamién, en collaboración con una cadena de periódicos, fizo l'álbum Manhattan recreando l'universu creativu de Woody Allen, con una llarga llista de referencies a les sos obres, asina como de les sos zunes; aunque David nun dexa pasar la oportunidá de facer dalgún homenaxe a otres películes.
Dende 2009 trabaya pa Marvel Comics na serie Ultimate Comics: Spider-Man. Foi descubiertu pa esta empresa pol editor C.B. Cebulski na Dublin City Comic Con. El so primer trabayu pa la Marvel foi Spider-Man Family #2, asoleyáu en 2007. El so primer trabayu mayor,ensin embargo, foi l'entintáu de Kathryn Immonen 2008-2009 y Hellcat.[2]
Bibliograpía[editar | editar la fonte]
- Manhattan (2005)
- X-Men: Divided We Stand #1-2 (Xunu 2008-Xunetu 2008)
- Patsy Walker: Hellcat #1-5 (Setiembre 2008-Febreru 2009)
- Ultimate Spider-Man Annual #3 (Ochobre 2008)
- Ultimate Comics: Spider-Man #1-6, 9-14, 150, 152-154 (Agostu 2009-Febreru 2011)
- New Mutants
Portaes[editar | editar la fonte]
- Runaways vol. 3 #10-12
- Ultimate Comics: Spider-Man #1-15, 150-154 (Agostu 2009-Febreru 2011)
- Scarlet #1 (Variant)
- Young Allies #1-5
- Turf #2 (Variant)
- The Dark Tower: The Fall of Gilead #4 (Variant)
Enllaces esternos[editar | editar la fonte]
Referencies[editar | editar la fonte]
- ↑ Afirmao en: Ficheru d'Autoridaes Virtual Internacional. Data de consulta: 25 mayu 2018. Identificador VIAF: 100801189. Editorial: Online Computer Library Center. Llingua de la obra o nome: distintes llingües.
- ↑ Raising Hell(cat): Lafuente Draws “Patsy Walker", Comic Book Resources, 11 de xunu de 2008
Datos: Q5236281