El Gomeru

De Wikipedia
Saltar a navegación Saltar a la gueta

El gomeru ye una revista asturiana de cómic fecha dafechamente n'asturianu y orientada especialmente a un públicu infantil y xuvenil.

La revista foi fundada en 1992 pol editor Antón García y Isaac del Rivero, que sigue siendo'l direutor. La publicación asoleyó 105 númberos ente 1992 y 1999, nun principiu en formatu de revista y más tarde, a partir del númberu 27, como suplementu selmanal del diariu El Comercio. Tres d'una interrupción de seis años volvió a apaecer en 2005, editada otra vuelta por Trabe y con una periocidá mensual. Anguaño distribúyese de baldre en centros d'enseñanza y llibreríes.

A lo llargo de les sos diferentes etapes, El Gomeru fízose famosu ente otres coses pola publicación de les aventures de Robin Hood o adapataciones de noveles como La Regenta o'l Quixote.

Collaboraron na revista autores como los hermanos Víctor, Chiqui y Ramón de la Fuente, Gaspar Meana, Enrique Carballeira, Adolfo García, Iván García, David Lafuente, Alfonso Zapico , Lucía Bande, Frank Pérez, Diego Bernardo, Manuel Menéndez, Santos Zaballos, Robert, Pilar Sánchez, Iván Olmendo, Carolina González, Alberto Cimadevilla, Chechu García o Inaciu Galán.