Cricetus cricetus

De Wikipedia
Saltar a navegación Saltar a la gueta
Commons-emblem-notice.svg
 
Hámster euroasiáticu
Rangu temporal: Miocenu mediu a l'actualidá
Cricetus cricetus 01.jpg
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Mammalia
Orde: Rodentia
Familia: Cricetidae
Subfamilia: Cricetinae
Xéneru: Cricetus
Leske, 1779
Especie: C. cricetus
Linnaeus, 1758
Distribución
Distribución del hámster vulgar
Distribución del hámster vulgar
[editar datos en Wikidata]

El hámster euroasiáticu (Cricetus cricetus), tamién llamáu hámster européu, ye una especie de royedor miomorfu de la familia Cricetidae mesma d'Eurasia. Nun se reconocen subespecies.[1] De cutiu considérase una plaga de les tierres de llabranza,[2] y tamién foi atrapáu pola so piel.

Descripción[editar | editar la fonte]

El hámster euroasiáticu ye enforma mayor qu'l'hámster doráu o siriu (Mesocricetus auratus) que suel criase como mascota, midiendo ente 10 y 15 cm más que la cobaya. Un exemplar adultu pesa ente 100 y 900 gramos y mide ente 20 y 35 centímetros de llargu, con una que bazcuya ente 2 y 5 centímetros de llargor. Algamen el maduror sexual a los 43 díes d'edá y críen ente primeros d'abril y agostu. La xestación del hámster común dura ente 18 y 20 díes, paren ente 4 y 12 críes, que son tresllechaes tres selmanes dempués de la nacencia.

Distribución y hábitat[editar | editar la fonte]

Alcuéntrase en tierres de cultivu a baxa altitú, riques en margues magrices o loess, anque tamién puede habitar en praos, xardinos, o gorbizales. Distribúise dende Bélxica (en Berthen esiste una importante población) y Alsacia pel oeste, llegando hasta Rusia pel este y Rumanía pel sur.

En 2007 la Comisión Europea amenació con multar a Francia con diecisiete millones d'euros por nun protexer la última población esistente de hámsters vulgares n'Europa occidental.[3]

Comportamientu[editar | editar la fonte]

El hámster vulgar ye solitariu, pero crea un complexu sistema de llurigues. Aliméntase de granes, llegumes, verdures y delles plantes de porte herbal. Anque raramente son usaos como mascota, en cautividá'l hámster euroasiáticu suel tener una esperanza de vida bastante llarga, llegando a vivir hasta ocho años.

Referencies[editar | editar la fonte]

  1. (2005) en Wilson, Don: Mammal Species of the World, 3ª (n'inglés), Johns Hopkins University Press, 2 vols. (2142 pp.). ISBN 978-0-8018-8221-0.
  2. Interactive Agricultural Ecological Atles of Russia and Neighboring Countries. «Pests Cricetus cricetus Linnaeus - Common or Black-Bellied Hamster» (inglés). Consultáu'l 4 de setiembre de 2009.
  3. (n'inglés) France cares huge fine for failing to save great hamster of Alsace. The Independent. 7 d'avientu de 2007. http://news.independent.co.uk/europe/article3231223.ece. Consultáu 'l 4 de setiembre de 2009. 

Enllaces esternos[editar | editar la fonte]