Confederación Xeneral del Trabayu

De Wikipedia
Saltar a navegación Saltar a la gueta
Confederación Xeneral del Trabayu
BANDERACGT.png
Secretariu/a xeneral José Manuel Muñoz Póliz
Fundación 1989
Ideoloxía política anarcosindicalismu
Ámbitu Flag of Spain.svg España
Afiliaos 100.000
Delegaos sindicales 5.000
Sede central Madrid
Sitiu web cgt.org.es
[editar datos en Wikidata]

La Confederación Xeneral del Trabayu (CXT) ye un sindicatu llibertariu y anarcosindicalista d'España, que ñaz d'una dixebra na CNT tres la Transición Española y el posterior procesu de reorganización y reestructuración de les organizaciones sindicales en 1977.

Cuenta con alredor de 90.000 afiliaos, y representa a alredor de dos millones de trabayadores al traviés de los comités d'empresa, muérganu eleutu de gran parte de les empreses españoles. Ye una organización de trabayadores asamblearia ya independiente de cualquier partíu políticu o grupu de presión. La CXT constituyi una alternativa sindical distinta n'España, tanto nel furrulamientu internu, como na práctica esterna.

Oxetivos[editar | editar la fonte]

Los oxetivos de la CXT, son:

  • Desendolcar la voluntá d'asociación de los trabayadores, independientemente del so sexu, credo, raza, nacionalidá, llingua, idees polítiques o relixoses.
  • La emancipación de los trabayadores, por aciu de la conquista, por ellos mesmos, de los medios de producción, distribución y consumu, y la consecución d'una sociedá llibertario.
  • La eliminación too tipu d'esplotación y d'opresión qu'atente contra la llibertá de la persona.
  • La práctica del sofitu mutuu y de la solidaridá ente trabayadores, según la defensa de los sos intereses socioeconómicos inmediatos.
Manifestación Fuelga Xeneral en Barcelona.
  • La promoción y organización d'actividaes empuestes:
  • Al desarrollu sistemáticu de la formación profesional.
  • Al caltenimientu del equilibriu ecolóxicu y la defensa del mediu ambiente.
  • A l'ayuda de too tipu en favor de los colectivos, grupos, seutores y persones que sufran dalgún tipu de discriminación o marxinación social, profesional, económica, racial, etc., con oxetu de facilitar la so integración social.
  • A la formación y divulgación cultural de toa índole, en cualquier ámbitu o nivel.
  • Fomentar la conocencia y l'espardimientu del pensamientu llibertariu y anarcosindicalista.
  • Sofitar l'estudiu ya investigación de la hestoria del sindicalismu, el anarcosindicalismu y el movimientu llibertariu.
  • Sofitar l'estudiu ya investigación de les corrientes sindicalistes n'España y otros países.
  • Ellaborar y suministrar información sobre cualquier tema qu'interese a la clas trabayador.
  • Fomentar l'estudiu ya investigación nel ámbitu de les ciencies económicu y social pal meyor cumplimientu de los fines anteriores.


Organización[editar | editar la fonte]

Los sindicatos[editar | editar la fonte]

Manifestación de la CXT en València.

La CXT ye una federación de sindicatos de seutor d'ámbitu llocal, provincial o comarcal. Los seutores que nun tengan el númberu abondo d'afiliaos o capacidá organizativa pa constituyir un sindicatu seutorial s'organicen nun sindicatu d'oficios. Cuando esti sindicatu ye l'únicu constituyíu nun ámbitu determináu, pue llamase "sindicatu únicu". Tamién puen constituyise sindicatos multiseutoriales. Los sindicatos actúen nos centros de trabayu al traviés de les seiciones sindicales.

Asamblea de la CXT.

El máximu muérganu de decisión del sindicatu ye l'Asamblea Xeneral, que ye la xunta formal de los afiliaos d'un sindicatu de la CXT. N'asamblea faen tolos alcuerdos: eleición de cargos, cuentes, alcuerdos pa Plenos, Congresos y demás comicios, espulsión d'afiliaos, etc.

Sede de la Federación Llocal de la CXT de Barcelona.

Los sindicatos del mesmu ámbitu territorial (llocal, provincial o comarcales) tán federaos ente sí constituyendo les federaciones llocales, provinciales o comarcales de la CXT que, de la mesma, constitúin les Confederaciones Territoriales de la CXT. Éstes puen coincidir o non cola organización territorial del Estáu.

Les Confederaciones Territoriales formen parte, de la mesma, del Comité Confederal de la CXT, máximu muérganu de la organización.

Les Federaciones de Seutor[editar | editar la fonte]

Les Federaciones de Seutor de la CXT tán constituyíes polos sindicatos seutoriales y les seiciones sindicales de los Sindicatos d'Oficios Varios, Únicos y Multiseutoriales del seutor de que se trate.

Namás puen tomar decisiones referíes a cuestiones reivindicatives y rellacionaes col so sector y, con esi calter, formen parte del Comité Confederal de la CXT.

Comités[editar | editar la fonte]

Los Comités son organismos coordinadores de los distintos ámbitos (llocal, territorial, seutorial) y nun tienen poder executivu.

Consten d'un Secretariáu Permanente y de representantes de les organizaciones que les formen (de Sindicatos nel casu de Comité Llocal, Provincial o Comarcal; de Federaciones Llocales, Provinciales o Comarcales nel casu de Comité Territorial; y de Territoriales nel casu del Comité Confederal de la CXT. Nesti casu tamién van formar parte los representantes de les Federaciones de Seutor).

Los Congresos y otros comicios[editar | editar la fonte]

El máximu muérganu de decisión de la CXT ye'l Congresu, al qu'asisten tolos sindicatos xuntaos a la organización. Nos Congresos adopten los alcuerdos y allugamientos xenerales y organizativos de la CXT. Los distintos sindicatos unvíen los sos representantes escoyíos n'Asamblea Xeneral pa defender los alcuerdos del sindicatu, adoptaos tamién pola Asamblea Xeneral.

Pa cuestiones reivindicatives y d'eleiciones sindicales ta la Conferencia de Sindicatos, con un mecanismu similar al de los Congresos.

Ente Congresos celebren los Plenos Confederales, a los qu'asisten delegaciones directes de les Confederaciones Territoriales escoyíes nos sos propios Plenos y nellos adóptense, esencialmente, alcuerdos económicos y organizativos que nun contradigan lo establecío polos Congresos.

Publicaciones[editar | editar la fonte]

ESCGT.png

La CXT edita mensualmente'l periódicu d'actualidá Rojo y Negro y la revista de reflexón y alderique Libre Pensamiento, con ámbitu estatal.

A nivel confederal, les distintes federaciones cunten cola so propia publicación como Barricada de Papel n'Andalucía, Noticia Confederal na Comunidá Valenciana, Catalunya en Cataluña, Papers nes Islles Baleares, Beltza nel País Vascu, Mallón en Galicia y distintes publicaciones informatives ellaboraes pola seición sindicales.

Secretarios xenerales[editar | editar la fonte]

CXT[editar | editar la fonte]

  • José March Jou (xunu de 1991 - payares de 1992)
  • José María Berro (en funciones; payares de 1992 – ochobre de 1993)
  • José María Olaizola (ochobre de 1993 - abril de 2001)
  • Eladio Villanueva (abril de 2001 - febreru de 2008)
  • Jacinto Ceacero (febreru de 2008 - ochobre de 2013)
  • José Manuel Muñoz Póliz (ochobre de 2013- anguaño)

Enllaces esternos[editar | editar la fonte]

Referencies[editar | editar la fonte]