Claire Forlani
Claire Forlani | |
|---|---|
 | |
| Vida | |
| Nacimientu | Twickenham[1], 17 d'avientu de 1971[2] (53 años) |
| Nacionalidá |
 Reinu Xuníu |
| Familia | |
| Casada con | Dougray Scott (2007 – ) |
| Fíos/es | 3 |
| Estudios | |
| Estudios |
Arts Educational Schools (en)  |
| Llingües falaes | inglés[3] |
| Oficiu | |
| Oficiu | actriz, actriz de cine, actriz de teatru |
| Nominaciones |
ver
|
| IMDb | nm0001231 |
 | |
Claire Antonia Forlani (17 d'avientu de 1971, Twickenham)[4] ye una actriz inglesa de cine y televisión.
Biografía
[editar | editar la fonte]Forlani nació en Twickenham en Londres, Inglaterra, fía de Barbara Dickinson, d'orixe inglés, y de Pier Forlani, un mánager de música proveniente de Ferrara, Italia.[5][6] A los once años Forlani ingresó nel Arts Educational School de Londres, onde empezó a preparar la so futura carrera d'actriz.
Nos seis años nos que permaneció na academia, estudió danza amás d'interpretación, lo cual abrió-y les puertes pa interpretar más tarde obres como The Nutcracker y Orpheus in the Underworld. Actuando nel teatru, la televisión británica contratóla pa una serie televisiva y pa una película de televisión.
Los padres de Forlani quixeron ayudar a la so fía a llograr papeles en películes de cine, polo que decidieron en 1993 treslladase a San Francisco. Llueu llegó la primer ufierta de la industria cinematográfica norteamericana: foi escoyida nesi mesmu añu pa la miniserie de televisión J. F. K.: Reckless Youth y darréu pa la película de cine Police Academy: Mission to Moscow.
De siguío Forlani intervieno en delles películes, hasta qu'en 1996 participó en The Rock, protagonizada por Sean Connery y Nicolas Cage. Un añu más tarde llogró a la fin la reconocencia de la crítica pola so interpretación en The Last Time I Committed Suicide, dempués d'actuar en películes que na so mayoría foron intrescendentes.
Pol so papel en ¿Conoces a Joe Black?, na que foi coprotagonista xunto a Brad Pitt y Anthony Hopkins, adquirió en 1998 una amplia fama ente'l públicu d'Estaos Xuníos ya internacional.
Los sos últimos papeles foron na serie CSI: New York, como la Dr. Peyton Driscoll, y más apocayá na primer temporada de la serie Camelot interpretando a la madre del Rei Arturu, Lady Igraine.
Vida privada
[editar | editar la fonte]Forlani tuvo rellacionada amorosamente colos actores Benicio del Toro, John Cusack (ente 1997 y 1998), y Ben Stiller, Brad Pitt (ente 1998 y 1999). En xunu de 2007, Forlani casóse col actor Dougray Scott.[7]Ellos tienen un fíu, Milo Thomas Scott, nacíu'l 27 d'avientu de 2014.
Filmografía
[editar | editar la fonte]| Añu | Película | Papel |
|---|---|---|
| 1992 | Gypsy Eyes | Katarina |
| 1994 | Police Academy: Mission to Moscow | Katrina |
| 1995 | Mallrats | Brandi Svenning |
| 1996 | The Rock | Jade Angelou |
| Basquiat | Gina Cardinale | |
| 1998 | ¿Conoces a Joe Black? | Susan Parrish |
| 1999 | Mystery Men | Monica |
| 2000 | Boys and Girls | Jennifer Burrows |
| 2001 | Antitrust | Alice Poulson |
| 2003 | The Medallion | Nicole James |
| 2004 | Bobby Jones: A Stroke of Genius | Mary Malone Jones |
| 2005 | Mr. Ripley el regresu | Cynthia |
| Hooligans: Stand your Ground | Shannon Dunham | |
| 2006 | Nightmares & Dreamscapes | Doris Freeman |
| Hallam Foe | Verity Foe | |
| 2006-2007, 2010 | CSI: NY | Dr. Peyton Drisco |
| 2007 | In the Name of the King: A Dungeon Siege Tale | Solana |
| Carolina Moon | Tory Bodeen | |
| 2008 | Flashbacks of a Fool | Ruth |
| Beer for My Horses | Annie Streets | |
| 2009 | Not Forgotten | Katie |
| Shannon's Rainbow | Christine | |
| 2010 | Ice | Jacqueline |
| 2011 | Love's kitchen | Kate Templeton |
| Deauville (preproducción) | Claire | |
| Crossmaglen (preproducción) | Kathy Monahan | |
| Camelot (serie) | Reina Igraine | |
| 2013 | Another Me | Ann Delussey |
| 2016 | Precious Cargo | Karen |
Referencies
[editar | editar la fonte]- ↑ URL de la referencia: http://www.aveleyman.com/ActorCredit.aspx?ActorID=20025.
- ↑ Afirmao en: Internet Movie Database. Identificador IMDb: nm0001231. Data de consulta: 17 xunu 2021. Llingua de la obra o nome: inglés.
- ↑ CONOR.SI ID: 11832419. Afirmao en: CONOR.SI.
- ↑ AskMen.com - Claire Forlani
- ↑ «The Cast of Meet Joe Black - Claire Forlani». Archiváu dende l'orixinal, el 2018-01-01.
- ↑ Claire Forlani Biography (1972-)
- ↑ Claire Forlani, Dougray Scott Get Married - Marriage, Claire Forlani, Dougray Scott : People.com
Enllaces esternos
[editar | editar la fonte]
Wikimedia Commons acueye conteníu multimedia sobre Claire Forlani.
- Claire Forlani na Internet Movie Database (n'inglés)
- Claire Forlani n'AllMovie (n'inglés)
- Claire Forlani n'Instagram
- Claire Forlani en Twitter (cuenta verificada)
Datos: Q40228- Multimedia: Claire Forlani