Chris Penn

De Wikipedia
Chris Penn
Vida
Nacimientu Los Angeles10 d'ochobre de 1965[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Santa Monica24 de xineru de 2006[2] (40 años)
Sepultura Cementeriu de Holy Cross
Causa de la muerte miocardiopatía (es) Traducir[3]
enfermedá cardiovascular
Familia
Padre Leo Penn
Madre Eileen Ryan
Hermanos/es
Familia
Estudios
Estudios Santa Monica High School (en) Traducir
Llingües falaes inglés
Oficiu actor, actor de televisión, actor de cineactor de voz
IMDb nm0001606
Cambiar los datos en Wikidata

Christopher Shannon "Chris" Penn (10 d'ochobre de 1965Los Angeles – 24 de xineru de 2006Santa Monica) foi un actor d'Estaos Xuníos. Fíu del direutor de cine Leo Penn y l'actriz Eileen Ryan y hermanu del tamién actor Sean Penn y el músicu Michael Penn. Nació en Los Angeles, California, yera'l menor de tres hermanos y foi pareya de la modelu Steffiana de la Cruz ente 1993 y 1999.

Biografía[editar | editar la fonte]

Empezó a actuar a los 11 años en Loft Studio y fixo'l so debú cinematográficu en 1979 na película Charlie and the Talking Buzzard. En 1983 participó en Rumble Fish, drama empobináu por Francis Ford Coppola, La clave del ésitu, protagonizada por Tom Cruise y onde interpretaba al so meyor amigu. Tamién tuvo un papel nel musical Footloose de 1984, el western empobináu por Clint Eastwood Pale Rider de 1985 y en Homes frente por frente, onde compartía película col so hermanu Sean Penn y la so madre Eileen Ryan.

De normal asignábense-y papeles de personaxes axataos, delincuentes, de clase trabayadora o cómicos. Dos de les sos actuaciones más memorables fueron en Reservoir Dogs de Quentin Tarantino nel papel de Nice Guy Eddie y en True Romance como Nicky Dimes. En 1996 ganó'l premiu al meyor actor de repartu nel Festival Internacional de Cine de Venecia pol filme El funeral.

Nel llargumetraxe Short Cuts de Robert Altman, interpretó al encargáu de la llimpieza d'una piscina esmolecíu pol oficiu de la so esposa, trabayadora d'una llinia erótica qu'atendía a los sos veceros na so propia casa y col personaxe de Penn escuchando les conversaciones.

Tamién intervieno nun episodiu de la serie de televisión Law & Order: Criminal Intent mientres la temporada 2004-2005, punxo la voz a Eddie Pulaski nel videoxuegu Grand Theft Auto: San Andreas y participó en The Darwin Awards, que foi estrenada un día dempués de la so muerte nel Festival de Cine de Sundance.

Muerte[editar | editar la fonte]

Chris Penn foi atopáu muertu nel so apartamentu de Santa Monica el 24 de xineru de 2006, a la edá de 40 años. A pesar del so consumu de drogues nel pasáu, l'autopsia realizada pol forense del condáu de Los Angeles reveló que la causa principal de la muerte foi una cardiomiopatía non específica, provocada por una dilatación del corazón y una serie de melecines como la codeína.[4] Nel so cuerpu fueron atopaos restos de mariguana y cocaína, el so hermanu Sean Penn declaró que la muerte del so hermanu foi producida principalmente pol so eleváu pesu.[5]

Alcuéntrase soterráu nel campusantu de Holy Cross de Culver City, California.

Filmografía[editar | editar la fonte]

Referencies[editar | editar la fonte]

  1. «Chris Penn» (inglés). SNAC.
  2. URL de la referencia: http://abcnews.go.com/Entertainment/wireStory?id=1538153.
  3. Afirmao en: Los Angeles County Medical Examiner Case Search. Los Angeles County Medical Examiner's Office Case Search person ID: 2006-00711. Referíu como: NONSPECIFIC CARDIOMYOPATHY. Data de consulta: 7 marzu 2023.
  4. La muerte de Chris Penn foi accidental, según señala l'informe forense | elmundo.es
  5. «People Connection - Main».

Enllaces esternos[editar | editar la fonte]