Chris Bauer

Chris Bauer
Vida
Nacimientu	Los Angeles, 28 d'ochobre de 1966 (57 años)
Nacionalidá	Estaos Xuníos
Llingua materna	inglés
Estudios
Estudios	Yale School of Drama Universidá de San Diego American Academy of Dramatic Arts Miramonte High School (en)
Llingües falaes	inglés
Oficiu	actor, actor de cine, actor de televisión
IMDb	nm0061777

Mark Christopher Bauer (28 d'ochobre de 1966, Los Angeles), más conocíu como Chris Bauer, ye un actor, actor de cine y actor de televisión d'Estaos Xuníos.

Biografía

Chris Bauer nació na ciudá Los Angeles, California y recibió educación secundaria nel Miramonte High School n'Orinda, California. Xugó nel equipu de fútbol del campeonatu de Miramonte nel añu 1984. Darréu estudió na Universidá de San Diego y graduóse na Yale School of Drama.

Carrera

Televisión

Chris Bauer apaeció en numberoses series de televisión, de cutiu interpretando policías y oficiales de la llei. Anguaño los sos papeles más conocíos son el del Xérif Andy Bellefleur na serie True Blood de HBO y el de Frank Sobotka na serie The Wire. Tamién apaeció en 61* (2001), el debú de Billy Crystal como direutor, interpretando a Bob Cerv, un xugador de los New York Yankees. Otros de los sos papeles pa televisión fueron Fred Yokas, home de la oficial Faith Yokas na serie Third Watch, l'axente Dodd na serie Smith de la CBS, un sacerdote en Life on Mars de la ABC y el detective Lou Destefano na miniserie The Lost Room de Sci Fi Channel. Apocayá Bauer sigui interpretando al xérif Bellefleur na quinta temporada de True Blood.

Cine

Chris Bauer interpretó al maestru d'escuela Lloyd Gettys na película L'abogáu del diañu (1997) y apaeció como'l personaxe amazcaráu Machine en 8 mm (1999), protagonizada por Nicolas Cage. Interpretó al fotógrafu Irving Klaw na película biográfica The Notorious Bettie Page (2005) y como l'autor Ken Kesey na película Neal Cassady (2007).

Enllaces esternos

• Chris Bauer na Internet Movie Database
• Chris Bauer n'AllMovie (n'inglés)

• Datos: Q39979
• Multimedia: Chris Bauer