Censorino

De Wikipedia
Saltar a: navegación, buscar
Censorino

Censorino (Censorinus) foi un gramáticu romanu del sieglu III. Él mesmu afirma na so obra De die natale (18.12 y 21.6) que ta escrita nel añu 268. Amás d'esta obra, escribió una gramática y un tratáu sobre los acentus (De accentibus) que nun llegaron a nós.

De die natale (Sobre'l día de la nacencia) ye un opúsculo sobre esta tema dedicada pol autor al so patronu Quintu Cerelio (Quintus Caerellius). Na primer parte (4-14) analiza los aspeutos antropolóxicos de la nacencia (orixe de la especie, xestación, desenvolvimientu del embrión, cálculu astrolóxicu, duración de la xestación, relación ente música y nacencia, periodización de la vida). La segunda parte (16-24) trata del tiempu y la so división n'años, meses y díes. El mesmu autor reconoz que la so obra nun ye orixinal, sinón frutu de la so erudición, y cita ente les sos fontes a Varrón y Suetonio.

N'honor a Censorino bautizar col so nome un cráter de la Lluna asitiáu nel sureste del Mare Tranquillitatis.

Enllaces esternos[editar | editar la fonte]

  • Censorino: De die natale.
    • Testu francés, con introducción nesti idioma, nel sitio de Philippe Remacle (1944 - 2011): trad. de J. Mangeart; ed. de 1843 de Charles-Louis-Fleury Panckoucke (1780 - 1844).