Carlos II de Borbón

De Wikipedia
Saltar a navegación Saltar a la gueta
Carlos II de Borbón
Meister von Moulins 004.jpg
Arzobispu


Cardenal

Vida
Nacimientu Moulins1434
Nacionalidá Bandera de Francia Francia
Fallecimientu

Lyon13  de setiembre de 1488

(53/54 años)
Familia
Padre Carlos I de Borbón
Madre Inés de Borgoña
Hermanos/es
Pueblu Casa de Borbón
Oficiu
Oficiu sacerdote católicu
Creencies
Relixón Ilesia Católica
Cambiar los datos en Wikidata

Carlos de Borbón (Castillo de Moulins (Allier) 1433 - Lyon, 13 de setiembre de 1488), noble y relixosu francés. Foi fíu de Carlos I de Borbón y Inés de Borgoña. Foi escoyíu Arzobispu de Lyon a la edá de 10 años gracies a les sos conexones familiares y más palantre, nomáu cardenal, amás de conde de Clermont y de Forez, duque de Borbón y de Auvernia, barón de Roannais y príncipe de Dombes por un curtiu periodu de tiempu en 1488, asocediendo al so hermanu Xuan II de Borbón.

Como fíu menor, Carlos tuvo destináu a la vida eclesiástica de neñu; él mesmu, nun tenía vocación dalguna pol poder y los honores a los que foi eleváu, y foi más conocíu poles sos incorreiciones (tuvo una fía ilexítima) que pola so piedá. A pesar d'ello, foi un notable patrón de les artes, esbardiando dineru na Catedral de Lyon - la capiya de los Borbones de dicha catedral, que patrocinó dende 1486 (patrociniu que siguió a la so muerte'l so hermanu Pedru II de Borbón) foi descrita como "una de les maravíes de les artes decoratives nel sieglu XV".[1]

Tocantes a les sos mentaes incorreiciones, non yá tuvo una fía ilexítima, sinón dellos fíos más que trató de faer sumir pa evitar la vergüenza pública. Unu d'esos fíos, Luke, sobrevivió ensin conocer la identidá del so padre hasta la ventena, cuando s'atoparon y cruciaron espaes en Besançon. Luke sobrevivió, anque perdió una mano na llucha.[1][2]

A la muerte del so hermanu mayor Xuan II, duque de Borbón, el 1 d'abril de 1488, Carlos - como herederu más cercanu de Juan - reclamó l'heriedu familiar en Borbonés y Auvernia. Esta reclamación nun foi tolerada pol so hermanu menor Pedro de Borbón y l'esposa d'ésti, Ana de Francia, que darréu tomó posesión de les tierres de los Borbones pola fuerza'l 10 d'abril.

El 15 d'abril, miembros del Conseyu del rei, unviaos por Ana pa "consolar al Cardenal pola muerte del so hermanu", forzáron-y a roblar un arrenunciu de tolos sos derechos sobre les tierres de los Borbones, en cuenta de una pensión. Carlos morrió esi mesmu añu en misterioses circunstancies, tres un súbitu colapsu na so casa de Lyon. El curtiu tiempu mientres el que retuvo'l títulu, del 1 al 15 d'abril, foi ratificáu póstumamente cuando Carlos, duque de Borbón aportó al ducáu como Carlos III.

Fuentes[editar | editar la fonte]

  1. 1,0 1,1 J Wadsworth, The Beginnings of Cosmopolitanism
  2. Wells et al. 1956. "Literature of the Renaissance in 1956". Studies in Philology Vol. 54, Non. 2 (Apr., 1957), pp. 185-189+191-386


Predecesor:
Xuan II de Borbón
Conde de Clermont
Conde de Forez
Duque de Borbón
Duque de Auvernia
Barón de Roannais
Príncipe de Dombes

1488
Socesor:
Pedru II de Borbón






Carlos II de Borbón