Cámara de Representantes de los Estaos Xuníos

De Wikipedia
Saltar a navegación Saltar a la gueta
22-02-2020 09:24
Cámara de Representantes de los Estaos Xuníos
The United States House of Representatives
Obama Health Care Speech to Joint Session of Congress.jpg
Seal of the United States House of Representatives.svg
Datos xenerales
Tipu Cámara de Representantes y Poder llexislativu
Estáu Bandera de Estaos Xuníos d'América Estaos Xuníos
Pertenez a la xurisdicción Estaos Xuníos
Composición
Númberu d'escaños 435
Páxina web
www.house.gov
Cambiar los datos en Wikidata

La Cámara de Representantes de los Estaos Xuníos ye la cámara baxa del Congresu de los Estaos Xuníos. Xunto col Senáu, que ye la cámara alta, conforma'l parllamentu nacional de los Estaos Xuníos.

La so composición establezla l'artículu 1 de la Constitución de los Estaos Xuníos. La Cámara fórmenla un representante de cada distritu electoral. Los distritos repártense ente los 50 estaos sobre la base de la so población acordies colos datos apurríos pola Oficina del Censu, y son elexíos por sufraxu universal directu. El númberu total de representantes ta afitao por llei en 435. Del repartu fechu de resultes del censu de 2010 California convirtiose nel estáu con más representantes, 53, mentantu que hai siete estaos que tienen namái un: Alaska, Delaware, Montana, Dakota del Norte, Dakota del Sur, Vermont y Wyoming.

Correspuénde-y a la Cámara la función d'aprobar les lleis, conxuntamente col Senáu, y presentales dempués al presidente pa que les ratifique. Tien, tamién, poderes esclusivos, como son el de promover toles lleis rellacionaes colos ingresos estatales, l'entamu del procesu de destitución (impeachment) de los cargos federales, que son xulgaos por un comité del Senáu, y el d'elixir al presidente cuando dengún candidatu recibe la mayoría de los votos del Colexu Electoral. Nesti casu ye misión de la Cámara escoyer ún d'entre los trés candidatos con más votos del colexu, nuna votación na que cada estáu tien un votu.

La Cámara aconceya nel ala sur del edificiu del Capitoliu, y ye presidida pol presidente de la Cámara (speaker of the House), elexida ente los sos miembros y qu'aveza ser el cabezaleru del partíu con mayoría nella.

Referencies[editar | editar la fonte]

Enllaces esternos[editar | editar la fonte]