Buffalo buffalo Buffalo buffalo buffalo buffalo Buffalo buffalo

De Wikipedia
Saltar a: navegación, buscar
Árbol d'analís simplificáu
PN = nome propiu
N = nome
V = verbu
NP = sintagma nominal
RC = oración de rellativu
VP = sintagma verbal
S = oración

"Buffalo buffalo Buffalo buffalo buffalo buffalo Buffalo buffalo" ye una frase gramaticalmente correuta n'inglés americanu, que s'emplega como exemplu de cómo puen utilizase homónimos y homófonos pa crear construcciones llingüístiques complexes. Vien de discutise na lliteratura dende 1972, cuando esta oración foi utilizada por William J. Rapaport, un profesor de la Universidá de Buffalo.[1]. Espublizóse na Llista llingüística por Rapapor en 1992[2]. Foi tamién asoleyao en 1994 nel llibru de Steven Pinker L'instintu del llinguaxe como un exemplu d'oración "ensin sentíu aparente". Pinker atribúi al so alumnu Annie Senghas como l'inventor d'esta frase.[3]

El so significáu cobra sentíu cuando s'especifica la referencia a la ciudá de Buffalo (Nueva York), y el verbu -poco común- de "to buffalo" (cafiar, amedranar), y cuando s'amplía la so aclaración esta oración pue traducise como: "Los búfalos de Buffalo que son cafiaos por búfalos de Buffalo cafien a búfalos de Buffalo"

Funcionamientu[editar | editar la fonte]

Bisonte, llamáu comunmente búfalu.
Un cómic esplicando'l conceutu.

La oración n'inglés nun lleva signos de puntuación, y usa trés significaos de la pallabra "búfalu":

  • a. la ciudá de Buffalo, en Nueva York, que nesti casu vien siguida del nome del animal (n'inglés "Buffalo buffalo" significa "búfalu de Buffalo").
  • n. el nome del bisonte, o búfalu americanu.
  • v. el verbu n'inglés "to buffalo", que lliteralmente significa "cafiar, amedranar o tracamundiar".

Nesti casu obtenemos:

Buffaloa buffalon Buffaloa buffalon buffalov buffalov Buffaloa buffalon.

Pa qu'un angloparlante entienda meyor la frase pue sustituyise"buffalo" na so forma sustantiva por "bisons" (bisontes), y "buffalo" na so forma verbal por "bully", pa obtener:

Buffalo bisons Buffalo bisons bully bully Buffalo bisons.

Pa un asturianofalante nun se necesiten sustituciones, sinón una traducción:

Buffalo bisons Buffalo bisons bully = "Los búfalos de Buffalo que son cafiaos por búfalos de Buffalo"
bully Buffalo bisons = cafien a búfalos de Bufalo

Referencies[editar | editar la fonte]

  1. Rapaport, William J. 22 September 2006. "A History of the Sentence "Buffalo buffalo buffalo Buffalo buffalo."". Accessed 23 September 2006. (archived copy)
  2. Rapaport, William J. 19 February 1992. "Message 1: Re: 3.154 Parsing Challenges". Accessed 14 September 2006.
  3. Pinker, Steven. The Language Instinct: How the Mind Creates Language, William Morrow and Company, Inc., New York, 1994. p. 210