Brett King

De Wikipedia
Brett King
Vida
Nacimientu Ocean Beach (es) Traducir29 d'avientu de 1920
Nacionalidá Bandera de Estaos Xuníos d'América Estaos Xuníos
Residencia Harbour Island
Llingua materna inglés
Muerte Palm Beach (es) Traducir14 de xineru de 1999[1] (78 años)
Causa de la muerte leucemia
Estudios
Llingües falaes inglés
Oficiu actor, actor de televisiónactor de cine
Premios
Serviciu militar
Lluchó en Segunda Guerra Mundial
IMDb nm0454517
Cambiar los datos en Wikidata

Brett King (29 d'avientu de 1920Ocean Beach (es) Traducir – 14 de xineru de 1999Palm Beach (es) Traducir) foi un actor cinematográficu y televisivu d'Estaos Xuníos, activu ente los años 1949 y 1967.

King foi conocíu pol so papel de repartu n'once episodios de la serie televisiva emitida por redifusión ente 1958 y 1959 Mackenzie's Raiders, interpretada por Richard Carlson, Morris Ankrum, Jack Ging, y Louis Jean Heydt.[2][3]

Biografía[editar | editar la fonte]

Nacíu n'Ocean Beach, Nueva York, el so verdaderu nome yera Bertell King. King lluchó como pilotu del Cuerpu Aereu del Exércitu de los Estaos Xuníos na Segunda Guerra Mundial, siendo condecoráu col Corazón Púrpura y la Cruz de Vuelu Distinguíu.[4]

El primer papel de King foi'l de Teniente Teiss na película de 1949 sobre la Segunda Guerra Mundial Battleground, interpretada por Van Johnson, John Hodiak, Ricardo Montalbán, y George Murphy. Al siguiente añu foi Al 'Kid' Beaumont en State Penitentiary, un drama nel qu'actuaba Warner Baxter,[5] y en 1951 trabayó xunto a John Wayne y Robert Ryan en Infiernu nes nubes, filme sobre la Batalla de Guadalcanal.[6] Esi mesmu añu trabayó n'otru filme bélicu, A Yank in Korea, interpretáu por Lon McCallister.[7] En 1954 foi Joe Branch en Jesse James vs. the Daltons, cinta na qu'actuaben William Tannen y James Griffith.[8]

Pa la televisión, King intervieno en cinco episodios de Wagon Train ente 1961 y 1963, y en cuatro de les series Gunsmoke y Dick Powell's Zane Grey Theater. Tamién trabayó cuatro veces nel show western de la NBC Bat Masterson, según en Dragnet. Tamién actuó en dos apurres de les series The Roy Rogers Show, The Life and Legend of Wyatt Earp, Tombstone Territory y Johnny Ringo. Amás, actuó en capítulos de The Adventures of Kit Carson, Shotgun Slade, Black Saddle, Law of the Plainsman, Lawman, Laramie, The Virginian, y Yancy Derringer.

En 1954, King encarnó al Teniente Charles B. Gatewood nel episodiu "Geronimo", perteneciente a la serie Stories of the Century, y que protagonizaba Jim Davis, y en 1960 foi Cassidy en "The Devil's Due", una entrega de la serie western d'antoloxía Death Valley Days.

King trabayó n'otres munches series televisives, destacando les sos actuaciones en Alcoa Premiere, Whirlybirds, Rescue 8, Tightrope, Men into Space, Lock-Up, Harbor Command, Highway Patrol, y The Public Defender. La so última interpretación foi col papel del Mayor Jackson na serie de l'American Broadcasting Company The Green Hornet.

A mediaos de los años 1960, King y la so muyer, Sharon, dirixeron l'Hotel Coral Sands na Islla Harbour, en Les Bahames. L'actor finó por causa d'una leucemia en 1999 en Palm Beach, Florida.

Referencies[editar | editar la fonte]

  1. Afirmao en: Internet Broadway Database. Identificador de persona d'Internet Broadway Database: 71047. Apaez como: Brett King. Data de consulta: 9 ochobre 2017. Llingua de la obra o nome: inglés.
  2. «Mackenzie's Raiders». Internet Movie Data Base. Consultáu'l 26 de payares de 2012.
  3. Billy Hathorn, "Roy Bean, Temple Houston, Bill Longley, Ranald Mackenzie, Buffalo Bill, Jr., and the Texas Rangers: Depictions of West Texans in Series Television, 1955 to 1967", West Texas Historical Association, Vol. 89 (2013), páxs. 112-113
  4. «Jill Pesselnick, "Brett King," 20 de xineru de 1999». variety.com. Consultáu'l 26 de payares de 2012.
  5. «State Penitentiary». Internet Movie Data Base. Consultáu'l 26 de payares de 2012.
  6. «Flying Leathernecks (1951)». Internet Movie Data Base. Consultáu'l 26 de payares de 2012.
  7. «A Yank in Korea». Internet Movie Data Base. Consultáu'l 26 de payares de 2012.
  8. «Jesse James vs. the Daltons». Internet Movie Data Base. Consultáu'l 28 de mayu de 2012.

Enllaces esternos[editar | editar la fonte]