Blanca Fernández Ochoa

De Wikipedia
Saltar a navegación Saltar a la gueta
Blanca Fernández OchoaPicto infobox character.png
Blanca Fernández Ochoa.jpg
Vida
Nome completu Blanca Nieves Fernández Ochoa
Nacimientu Madrid22  d'abril de 1963
Nacionalidá Bandera d'España España
Fallecimientu

Cercedillaagostu  de 2019

(56 años)
Causa de la muerte caída Traducir
Familia
Hermanos/es
Estudios
Llingües castellanu
Oficiu
Oficiu esquiadora alpina
Premios
Cambiar los datos en Wikidata

Blanca Fernández Ochoa (22  d'abril de 1963Madrid - agostu  de 2019Cercedilla) foi una deportista española, destacada nel esquí alpín femenín.

En 1992 convertióse na primer muyer en consiguir una medaya olímpica pa España nunos Xuegos d'Iviernu, concretamente la de bronce nel eslalon nos Xuegos Olímpicos de Albertville, Francia.

Foi hermana del tamién esquiador Francisco Fernández Ochoa (1950-2006).

El 24 d'agostu de 2019 foi vista por última vegada, siendo denunciada la so desapaición díes dempués, que dio entamu a unos llabores de busca ensin precedentes na hestoria de la Comunidá de Madrid. El día 4 de setiembre de 2019 foi atopada muerta[1].

Biografía[editar | editar la fonte]

Blanca ye la primer fía que tuvo'l matrimoniu formáu por Dolores Ochoa (1926) y Francisco Fernández dempués de cinco fíos varones. Ñació en Madrid cuando la so familia vivía nel barriu de Carabanchel, pero bien llueu se treslladó colos sos pás y hermanos al puertu de Navacerrada, qu'entós daquella cuntaba con una población bien amenorgada. Ellí la so infancia trescurrió en llibertá y en plena naturaleza entrando en contautu inevitablemente cola ñeve que cubría'l puertu mientres cuasi la metá del añu.

Con once años y debíu al ésitu del so hermanu mayor Paco (campeón olímpicu), Blanca treslladóse a un centru d'entrenamientu con internáu pa deportistes d'iviernu en Viella nos Pirineos de Lérida.

Darréu xuniríense-y otros de los sos siete hermanos.

El 18 de xunetu de 1991, con ventiocho años d'edá, contraxo matrimoniu nel Monesteriu d'El Escorial col italianu Daniello Fioretto, al que conociera con namái catorce años d'edá cuando esquiaba en Suiza. Acabaron divorciándose y contraxo segundu matrimoniu con David Fresneda, con quien tuvo dos fíos, David y Olivia, anque la xunión tamién terminó en divorciu.

El 24 d'agostu de 2019 foi vista per últimu vegada, siendo denunciada la so desapaición díes dempués[2]. Tres dellos díes de busca, el so cuerpu ensin vida foi topáu barganal del visu del picu de La Peñota, na sierra de Guadarrama, el 4 de setiembre[3]

Premios[editar | editar la fonte]

Referencies[editar | editar la fonte]

Enllaces esternos[editar | editar la fonte]