Beta Scuti

De Wikipedia
Saltar a navegación Saltar a la gueta
Beta Scuti
Beta Scuti A
Constelación Scutum
Ascensión reuta α 18h 47min 10,47s
Declinación δ -04º 44’ 52,3’’
Distancia 916 ± 80 años lluz
Magnitú visual +4,22
Magnitú absoluta -2,41
Lluminosidá 3100 soles
Temperatura 4700 K
Masa 6 - 7 soles
Radiu 84 soles
Tipu espectral G4IIa
Velocidá radial -21,5 km/s

Beta Scuti (β Sct / HD 173764 / HR 7063)[1] ye una estrella na constelación de Scutum, orixinalmente Scutum Sobiescii, l'escudu de Sobieski. Ye la segunda más brillosa de la mesma, dempués de α Scuti, siendo la so magnitú aparente +4,22. Alcuéntrase a 916 ± 80 años lluz del Sistema Solar, d'alcuerdu al nuevu amenorgamientu de los datos de paralax del satélite Hipparcos.[2]

Beta Scuti ye una xigante lluminosa mariella de tipu espectral G4IIa con una temperatura superficial de 4700 K. Ye unes 3100 vegaes más lluminosa qu'el Sol y el so radiu ye 84 vegaes mayor qu'el radiu solar, equivalente a 0,39 UA. La so edá envalórase nunos 55 millones d'años, cuando empecipió la so vida como una estrella caliente B3 de la secuencia principal. Anguaño, escosáu yá'l hidróxenu, nel so nucleu tien llugar la fusión de heliu en carbonu y oxíxenu.[2]

Beta Scuti ye amás una estrella binaria espectroscópica con un periodu orbital de 834 díes. L'acompañante, de magnitú +8,5, ye una estrella blanca de la secuencia principal de tipu A0V con una lluminosidá 40 vegaes superior a la del Sol.[2]

Referencies[editar | editar la fonte]