Beta Apodis

De Wikipedia
Saltar a navegación Saltar a la gueta
Beta Apodis
Beta Apodis
Constelación Apus
Ascensión reuta α 16h 43min 04,66s
Declinación δ -77º 31’ 02,8’’
Distancia 158 ± 4 años lluz
Magnitú visual +4,23
Magnitú absoluta +0,81
Lluminosidá 52 soles
Temperatura 4677 K
Masa 1,84 soles
Radiu 10,6 soles
Tipu espectral K0III
Velocidá radial -30,3 km/s

Beta Apodis (β Aps / HD 149324 / HR 6163)[1][2] ye una estrella de la constelación de Apus, el ave del paraísu. De magnitú aparente +4,23, ye la tercera más brillosa de la constelación, dempués de α Apodis y γ Apodis. Alcuéntrase a 158 años lluz de distancia del Sistema Solar.

Beta Apodis ye una xigante naranxa de tipu espectral K0III[1] con una temperatura superficial de 4677 K. Con una lluminosidá equivalente a la de 52 soles, la so masa ye aprosimao un 85% mayor que la masa solar.[3] La midida del so diámetru angular —2,09 ± 0,11 milisegundos d'arcu[4] dexa evaluar el so diámetru real, resultando ser unes 11 vegaes más grande qu'el diámetru solar, polo que, ente les xigantes, nun ye de les de mayor tamañu. En comparanza con α Apodis, tamién xigante naranxa, ye unes 14 vegaes menos lluminosa qu'ésta y la so diámetru ye una quinta parte del d'ésta última. Les sos carauterístiques son más similares a les d'otres conocíes xigantes de tipu K como Pólux (β Geminorum) y Menkent (θ Centauri), magar la mayor distancia que nos dixebra de Beta Apodis fai que sía menos brillosa que cualesquier d'elles. Per otra parte, amuesa una metalicidá —bayura relativa d'elementos más pesaos qu'el heliu— daqué menor que la del Sol ([M/H] = -0,05).[3]

Referencies[editar | editar la fonte]