Belone belone (chínfanu)

De Wikipedia
Saltar a: navegación, buscar
Commons-emblem-notice.svg
 
Chínfanu
(Belone Belone)
Belone belone1.jpg
Grabado de 1795.
Estáu de caltenimientu
Non evaluáu[1]
Clasificación científica
Reinu: Animalia
Filu: Chordata
Clas: Actinopterygii
Superorde: Acanthopterygii
Orde: Beloniformes
Familia: Belonidae
Xéneru: Belone
Especie: B. belone
Linnaeus, 1761
Distribución
Belone belone mapa.svg
Sinonimia

Belone bellone (Linnaeus, 1761)
Esox belone (Linnaeus, 1761)

[editar datos en Wikidata]
Bancu de chínfanos (Belone belone).

El chínfanu (Belone belone) ye una especie de pexe beloniforme de la familia Belonidae, distribuyida per agües templaes del océanu Atlánticu, mar Mediterraneu, mar Negru y el mar del Norte.[2] Otros nomes comunes emplegaos son pínfanu, tínfanu, xínfanu o aguya.

Importancia pal home[editar | editar la fonte]

Péscase pa la so comercialización nos mercaos, nos qu'algama un preciu altu, pudiendo atopase nestos tantu frescu como conxeláu, pa ser preparáu preferentemente fritu, a la parrilla o al fornu.[3][4] Pol so tamañu tamién s'aprecia na pesca deportiva.[2]

Anatomía[editar | editar la fonte]

Cuerpu asemeyáu al restu de la familia, siendo'l so llargor máximu normal d'unos 45 cm, anque se describieron tamaños máximos d'hasta 93 cm.[5][6] Nun tien espines nes aletes, siendo l'aleta añal un pocu más llarga que la dorsal; los dientes del quexal son relativamente grandes y espaciados, con un quexal inferior un pocu más llargu que'l cimeru, bien allargaos ambos nos individuos xuveniles.[2]

Hábitat y bioloxía[editar | editar la fonte]

Ye una especie oceanódromu marín d'agües templaes que vive cerca de la superficie, con patrones de migración asemeyaos a los de la sardina.[7]  Aliméntase de pequeños pexes, especialmente de bocartes; pueden dar reblincones fuera de l'agua cuando se ven acosaos.[2]

Subespecies[editar | editar la fonte]

Considérense tres subespecies distintes dientro d'esta especie:[8]

  • Belone belone acus (Risso, 1827)
  • Belone belone belone (Linnaeus, 1761)
  • Belone belone euxini (Günther, 1866)

Referencies[editar | editar la fonte]

  1. IUCN 2010. Lista Roja de Especies Amenazadas. Consultada el 7 d'ochobre de 2010.
  2. 2,0 2,1 2,2 2,3 Collette, B.B. y N.V. Parin, 1986.
  3. Sumaila, U.R., A.D. Marsden, R. Watson y D. Pauly, 2007.
  4. Frimodt, C., 1995.
  5. Bauchot, M.-L., 1987.
  6. IGFA, 2001.
  7. Muus, B.J. y J.G. Nielsen, 1999.
  8. Sistema Integráu d'Información Taxonómica. «Belone belone (TSN 165594)» (inglés).
  • "Belone belone". En FishBase (Rainer Froese y Daniel Pauly, eds.). Consultada en mayu de 2010. N.p.: FishBase, 2010.
  • El léxico de la fauna marina en los puertos pesqueros de Asturias Central, Emilio Barriuso, Uviéu 1986. IDEA.