Arte sacro

De Wikipedia
Saltar a navegación Saltar a la gueta
Esta madonna de Sandro Botticelli pertenez al arte sacro cristianu.

El arte sacro ye una denominación utilizada pa toes aquelles producciones artístiques que tienen como fin un cultu a lo sagrao o divín. Mientres el trayeutu de los sieglos el cual reconozse la fe, atopamos que l'arte sacro intenta determinar cada pasaxe y aspeutos divinos per mediu de pintures, escultures y mosaicos. Les representaciones más frecuentes nel cristianismu por casu amuésennos el bautismu, el xuiciu, la crucifixón, la muerte y la resurreición de Xesucristo, tamién nos amuesen a la Virxe María o imáxenes de la Biblia.[1]

Arte relixoso y sacru[editar | editar la fonte]

A lo llargo de la hestoria del mundu foi difícil la diferenciación ente l'arte relixoso y l'arte sacro. El primeru amuésanos obres artístiques onde s'amuesa l'amor y la fe en Dios. Sicasí nel arte sacro podemos contemplar lo mesmo que nel relixosu pero qu'amás sirve como cultu a lo divino.[1]

Arte cristiano européu[editar | editar la fonte]

L'arte sacro yera común na Edá Media europea, pero munchos de los mayores maestros fueron mandaos pola Ilesia católica mientres el renacencia. Foi mientres esi tiempu cuando Miguel Ángel pintó la Capiya Sixtina y talló la Pietà, Gian Lorenzo Bernini creó les columnes na Basílica de San Pedro y Leonardo da Vinci pintó La Última Cena. Unu de les temes cristianes más comunes ye'l d'una muyer (la Virxe María) coyendo nos brazos a un neñu (el fíu, Xesús). La otra tema principal ye'l de Xesús sobre la cruz.

El xéneru del arte sacro perdió la mayor parte de la so puxanza dende la Renacencia, pero les temes son inda populares como amuesa Salvador Dalí nel sieglu XX con obres como la so Crucifixón. Dempués de la Segunda guerra mundial foi presentáu dalgún bon trabayu principalmente por artistes franceses. La corriente estilística que más s'esmoleció pola iconografía cristiana na dómina contemporanea fueron los espresionistes. Cabo destacar al alemán Emil Nolde, pintor que con el color reflexa una gran espiritualidá, al francés Rouault, un artista que nos enfrenta a la representación de lo invisible, y Jorge Rando, pintor español que nos introduz a una rexón que pertenez al dominiu del interior del individuu.

Arte sacro musulmán[editar | editar la fonte]

Por causa de les prescripciones estrictes contra les pintures de xente o animales que podríen causar la idolatría, el arte islámico desenvolvió un calter únicu, utilizando un númberu de formes primaries: xeométricu, arábigu, floral y caligráficu. L'arte musulmano reflexó la visión del mundu permediada, harmoniosa. Esto enfoca la esencia espiritual más que la forma física. Nun ufierten cuadros de santos nin ilustraciones de les hestories del Corán, pero espresa conceutos fundamentales como la naturaleza infinita de Dios.

Arte sacro tibetanu-budista[editar | editar la fonte]

La mayor parte del arte tibetano-budista ta rellacionáu cola práutica de Vajrayāna. L'arte tibetano incluyi thangkes y mandales, de cutiu incluyendo les pintures de Budas y Bodhisattves. La creación del arte budista polo xeneral ye fecha como una meditación. El trabayu ta escasamente robláu pol artista. Otra arte del arte tibetano-budista inclúi oxetos metálicos rituales, como'l vashra y el phurba.

Ver tamién[editar | editar la fonte]

Referencies[editar | editar la fonte]

  1. 1,0 1,1 arte sacro.html Arte Sacro, historiayarte.net, Consultáu'l 29 de setiembre de 2008

Ver tamién[editar | editar la fonte]

Enllaces esternos[editar | editar la fonte]


Arte sacro