Antoine de Jussieu

De Wikipedia
Saltar a navegación Saltar a la gueta
Antoine de Jussieu
Antoine de Jussieu
ensin valor
Vida
Nacimientu Lyon6  de xunetu de 1686
Nacionalidá francés
Fallecimientu París22 d'abril 1758
Familia
Padre Laurent de Jussieu
Hermanos/es
Familia
Estudios
Llingües Llatín
francés
Alumnu/a de Joseph Pitton de Tournefort Traducir
Pierre Magnol Traducir
Profesor/a de Jean Étienne Guettard Traducir
Oficiu
Oficiu botánicu y médicu
Miembru de Royal Society
Academia Francesa de les Ciencies
Academia Prusiana de les Ciencies
Cambiar los datos en Wikidata

Antoine de Jussieu (Lyon (Francia); 6 de xunetu de 1686París, (íd.); 22 d'abril de 1758), médicu, botánicu y naturalista francés.

Biografía[editar | editar la fonte]

Jussieu nació en Lyon, fíu de Christophe de Jussieu o Dejussieu, un boticariu de cierta sonadía, quien publicó un Nouveau traité de la theriaque (1708).

Antoine, hermanu de Bernard y de Joseph, entama estudios de Teoloxía enantes d'afayar la so pasión pola Botánica, y empieza a estudiar Medicina na Universidá de Montpellier, y viaxó col so hermanu Bernard por España, Portugal y el sur de Francia. Treslladóse a París en 1708. Nesi añu morrió Joseph Pitton de Tournefort, y Jussieu ocupó'l so puestu vacante nel Jardin des Plantes.

Prauticó la medicina, ocupándose sobremanera de los desheredaos y la xente más probe. Dende 1718 fixo usu na so práutica médica de la corteza de Cassia (Cortex simarubae), un remediu que llegara a París en 1713 procedente de Cayena. Jussieu escribió unes llinies describiendo la corteza nes memories de l'Academia en 1729, y Carlos Linneo nomó la planta nel so honor como Simaruba jussiaei. Les memories tamién contienen escritos sos sobre anatomía humana, zooloxía, paleontoloxía y mineraloxía. Una d'estes memories a l'Academia (1723) identifica per primer vegada los preseos prehistóricos de piedra con ciertos amuletos contra los rayos (pierres de foudre), y amás rellaciona los afayos prehistóricos europeos colos preseos y ferramientes atopaos ente los indíxenas americanos.

Amás de les sos propies publicaciones editó un trabayu de Tournefort, Institutions rei herbariae (3 vols., 1719), aumentáu y con anotaciones. Tamién publicó un trabayu póstumu de Jacques Barrelier, Plantae per Galliam, Hispaniam, et Italiam observatae, etc. (1714) que los sos testos perder nuna quema, salvándose namái les planches de les ilustraciones (el trabayu de Jussieu contién 334 planches a tou foliu y 1392 figures).

Honores[editar | editar la fonte]

L'asteroide 9470 Jussieu lleva esti nome n'honor de la familia Jussieu.

Obres[editar | editar la fonte]

  • Descriptio et icon Coffeae (café). Paris (1713).
  • De l'Anicie et des usages de la pierre de foudre. Paris (1723).
  • Memoires de l´Academie. Paris (1729).
  • Traité des vertus des plantes. Nancy (1771).

Referencies[editar | editar la fonte]

  • Dacosta, Arsenio (ed). Del orixe y de los usos de la piedra del rayu. Edición y notes del testu de Antoine de Jussieu (1723). En Revista del Folclor. 309 (2006): 105-108.[1]

Abreviatura[editar la fonte]

L'abreviatura Ant.Juss. emplégase pa indicar a Antoine de Jussieu como autoridá na descripción y clasificación científica de los vexetales. (consulta la llista de tolos xéneros y especies descritos por esti autor nel IPNI).

Enllaces esternos[editar | editar la fonte]