Ambrosio Autperto
Ambrosio Autperto | |||
|---|---|---|---|
4 ochobre 777 - 28 avientu 778 | |||
| Vida | |||
| Nacimientu | Provenza[1], circa 730[2] | ||
| Nacionalidá | Reinu de los francos | ||
| Muerte |
Italia (región geográfica) (es)  [1], 30 de xineru de 784[3] (53/54 años) | ||
| Estudios | |||
| Llingües falaes | llatín[4] | ||
| Oficiu | relixosu, teólogu, escritor | ||
| Santoral | |||
| 19 de xunetu | |||
| Creencies | |||
| Orde relixosa | Orde de San Benitu | ||
 | |||
Ambrosio Autperto, Ambrosio de Autpert, San Ambrosio Autperto o Ambroise Autpert (Ambrosius Autpertus en llatín), (circa 730, Provenza – 30 de xineru de 784, Italia (región geográfica) (es) ) foi un monxu benedictín francu.
Oficial na corte de Pipino el Curtiu, contribuyó a la educación del so fíu Carlomagno. Unviáu en misión a Italia, visitó l'abadía benedictina de San Vicente nel Volturno, nel ducáu de Benevento, onde dexó les sos otres ocupaciones ya ingresó na mesma. Recibió la ordenación sacerdotal alredor de 761 y foi escoyíu abá el 4 d'ochobre de 777, col sofitu de los monxos franceses y l'oposición d'otros que preferíen al lombardu Potón. Estes disensiones na abadía fixeron intervenir tanto al papa Esteban III como a Carlomagno y al rei de los lombardos Desiderio una y bones les influyencies francu y lombardu provocaben tensiones en Campania. Les oxeciones pa ser escoyíu proveníen de la so procedencia del pueblu francu y la so personalidá. Por estes intrigues, la so muerte, nel cursu d'un viaxe a Roma, pudo ser un asesinatu. Soterráu na Basílica de San Pedro, les sos reliquies fueron treslladaes alredor de 1044, a l'abadía de San Vicente.
Ambrosio Autperto, una de les grandes figures del Renacimientu carolinxu, deldor de la obra de Ticonio, anque influyíu por Primasio y Beda, escribió un númberu considerable d'obres sobre la Biblia y temes relixoses polo xeneral. Ente los más importantes atópense comentarios en diez volúmenes sobre'l Apocalipsis (Expositio in Apocalypsim), y qu'al ser contemporaneu del Beatu de Llébana, el so trabayu tien semeyances cola so obra, especialmente nel tratamientu de les recapitulaciones.
Escribió comentarios a los Salmos y al Cantar de los Cantares, Les vides de los santos Paldón, Tutón y Vasón, fundadores de San Vicente nel Volturno, Sobre l'Asunción de la Virxe, Sobre la Tresfiguración de Cristu, Sobre la cobicia y un Conflictu ente les Virtúes y los Vicios.
En 2009, el papa Benitu XVI dio una homilía sobre Ambrosio Autperto na Plaza de San Pedro,[5]onde compara la denuncia que fixera sobre l'arriquecimientu de los monesterios na so dómina cola situación actual de crisis económica mundial causada pola cobicia.
Bibliografía
[editar | editar la fonte]- Michel Banniard, « Ambroise Autpert », article du Dictionnaire des lettres françaises, dir. Cardinal Georges Grente, Le Moyen Âge, dir. Robert Bossuat, Louis Pichard, Guy Raynaud de Lage, éd. revue, dir. Geneviève Hasenohr, Michel Zink, Fayard, 1964, rééd. LGF « Pochothèque », 1992, p.54 (En francés).
Referencies
[editar | editar la fonte]- ↑ 1,0 1,1 Afirmao en: Diccionario biográfico de los italianos. Dizionario biografico degli italiani: ambrogio-autperto. Apaez como: AMBROGIO Autperto. Data d'espublización: 1960. Data de consulta: 26 xineru 2023. Llingua de la obra o nome: italianu.
- ↑ Apaez como: Ambrosius Autpertus. Trismegistos author ID: 45.
- ↑ URL de la referencia: http://cantic.bnc.cat/registres/fitxa/161974. Apaez como: Ambròs Autpert. Data de consulta: 9 ochobre 2017.
- ↑ Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.
- ↑ Papa Benitu XVI: L'ayalga espiritual de Ambrosio Autperto
Enllaces esternos
[editar | editar la fonte]- Artículu de la Enciclopedia Católica Archiváu 2009-10-06 en Wayback Machine
Datos: Q459604