Alnilam

De Wikipedia
Saltar a navegación Saltar a la gueta
Alnilam
Epsilon Orionis
Constelación Orión
Ascensión reuta α 05h 36m 12,81s
Declinación δ -01° 12’ 06,9’’
Distancia 1340 años lluz (aprox)
Magnitú visual +1,70
Magnitú absoluta -6,40
Lluminosidá 375.000 soles (bolométrica)
Temperatura 25.000 K
Masa 40 soles
Diámetru 31 soles
Tipu espectral B0Iab:
Velocidá radial +25,90 km/s

Alnilam (Épsilon Orionis / ε Ori / 46 Orionis / HIP 26311) ye, con magnitú aparente +1,70, la cuarta estrella más brillosa na constelación d'Orión. Forma parte del llamáu Cinturón d'Orión (o «Los Trés Maríes») xunto a Mintaka (δ Orionis) y Alnitak (ζ Orionis), siendo la más brillosa de los trés, magar que ye la más alloñada (1340 años lluz). El so nome provién del árabe النظام An-ninżām que significa «collar de perlles».

Alnilam ye una superxigante azul de tipu espectral B0Iab, bien masiva (unes 40 mases solares), y estraordinariamente lluminosa: incluyendo la gran cantidá de radiación ultravioleta emitida pola estrella, la so lluminosidá equival a 375.000 vegaes la lluminosidá solar. La so temperatura superficial ye de 25.000 K, tan caliente qu'alluma la nebulosa de reflexón NGC 1990. Un fuerte vientu estelar que sopla dende la so superficie a 2000 km/s fai que pierda masa a un ritmu 20 millones de vegaes mayor qu'el Sol.

Ye una estrella variable pulsante irregular del tipo Alfa Cygni, con una fluctuación nel so rellumu de 0,1 magnitúes. Con una edá averada de namái 4 millones d'años, nel futuru va convertir nuna superxigante colorada para depués esplotar como supernova y dexar una estrella de neutrones como remanente.

Referencies[editar | editar la fonte]

Ver tamién[editar | editar la fonte]