Alfa Arae

De Wikipedia
Saltar a navegación Saltar a la gueta
Alfa Arae
Alfa Arae
Impresión artística d'Alfa Arae en rápida rotación. (Creitos: European Southern Observatory, ESO).
Constelación Ara
Ascensión reuta α 17h 31min 50,49s
Declinación δ -49º 52’ 34,1’’
Distancia 242 ± 17 años lluz
Magnitú visual +2,85
Magnitú absoluta -1,55
Lluminosidá 2900 soles
Temperatura 22.000 K
Masa 8 soles (aprox)
Radiu > 3 soles
Tipu espectral B2Vne
Velocidá radial 0 km/s

Alfa Arae (α Ara / HD 158427 / HR 6510) ye la segunda estrella más brillosa na constelación d'Ara con magnitú aparente +2,85, apenes 0,01 magnitúes menos brillosa que β Arae. Recibe'l nome tradicional, pocu utilizáu, de Tchou o Choo, del chinu mandarínchǔ y que'l so significáu ye «mano del almirez». Alcuéntrase a 242 años lluz de distancia del Sistema Solar.

Carauterístiques[editar | editar la fonte]

Alfa Arae ye una estrella blancu-azulada de la secuencia principal de tipu espectral B2Vne[1] que la so lluminosidá ye 2900 vegaes mayor que la lluminosidá solar. Con una temperatura superficial de 22.000 K, el so radiu ye siquier 3 vegaes más grande qu'el del Sol y la so masa ye unes 8 vegaes mayor que la masa solar.[2]

Coles mesmes, Alfa Arae entra dientro de la subclase d'estrelles Be, yá que radia línea d'emisión de hidróxenu que provienen d'un gruesu discu circumestelar qu'arrodia la estrella. Al tar el discu asitiáu práuticamente de perfil, escurez parte de la estrella, y les absorciones del mesmu se superponen nel espectru de la estrella.[2] La esistencia del discu ta rellacionada cola alta velocidá de rotación de la estrella, de siquier 298 km/s,[3] pero que puede algamar los 470 km/s nel so ecuador —na llende de la velocidá que provocaría la rotura de la estrella—.[4] Esto, xuníu al vientu estelar, fai que la estrella pierda masa, magar el procesu real de formación del discu ye entá desconocíu.

Una estrella de tipu K0IV a 55,6 segundos d'arcu paez ser una compañera óptica que nun tien rellación física con Alfa Arae.[3]

Ver tamién[editar | editar la fonte]

Referencies[editar | editar la fonte]