Alderique:Asturina

De Wikipedia
Saltar a navegación Saltar a la gueta

Redirección (razones)[editar la fonte]

Faigo la redirección d'esta páxina llamada "asturina" pa la páxina del artículu llamada "Asturina cola estrella bermeya", poles razones que vienen darréu:


  • Va unos díes punxi la etiqueta de "non neutral" por mor de que nesta páxina s'afirmaba que l'alcuñu "asturina" s'aplicaba tanto pa la bandera d'Asturies como pa la enseña usada por una parte del nacionalismu asturianu y que tien una estrella bermeya. Esta afirmación nun taba referenciada y naide quixo dar nenguna referencia al mio pidimientu, como se podrá ocmprobar polo que digo posteriormente. Oficialmente, la bandera d'Asturies nun tien negún nome nin alcuñu, como pue comprobase nel Artículu 3 del Estatutu d'Autonomía pal Principáu d'Asturies, como na Llei del Principáu d'Asturies que regula l'usu y les formes pa la bandera d'Asturies, referencies yá daes anteriormente, pero que vuelvo dales agora equí: Actual Estatutu d'Autonomía, y Llei 4/90 de 19 d'avientu, BOPA 9 de xineru de 1991.


  • Tamién punxi la etiqueta d'"artículu a borrar" porque, al nun referise a la bandera d'Asturies, esta páxina de dixebra nun tenía sentíu d'esistir, al quedar entóncenes como denominación pa esa enseña nacionalista anteriormente mentada, y ye por ello que faigo esta redirección al artículu d'esa enseña.


Namái hubo un únicu usuariu que participó nesti alderique, Denis, y que yera (o ye) contrariu a los mios plantegamientos. Pidí-y que me diera una referencia onde poder comprobar y verificar qu'esi alcuñu d'"asturina" s'aplicaba o s'aplicó o s'aplica a la bandera d'Asturies. Tuvi que pidi-y delles veces (cinco, creo recordar, y siempre sobre lo mesmo) una referencia, tanto nesti alderique como nel chigre de la comunidá, y nun solo nun les dio, sinón que, amás, negóse a dar dal referencia para xustificar la so postura, como se pue comprobar nes sos intervenciones del chigre, nel apartáu de "Vista gorda".

Poro, considero qu'al nun haber más opiniones sobre esti tema, y que l'únicu interesáu nun aporta nada pa poder defender la so postura (de fechu, niégase), póngome llibremente a facer esta redirección (al nun poder borrar la páxina, al ser un simple usuariu y non un alministrador) y eliminar esa referencia d'"asturina" pa la bandera d'Asturies, yá qu'oficialmente nun tien nome nengún y naide nun dio nenguna referencia o fonte fiable onde poder comprobar qu'al menos popularmente (como s'afirmaba nesta páxina) sí tien o tenía esi alcuñu.--Etienfr 14:24, 2 ochobre 2011 (UTC)


Referencies sobre'l nomatu d'"asturina"[editar la fonte]

Lo del nome d'"Asturina" pa la bandera d'Asturies paezme que ye un inventu "nacionaliegu" y que nun ye más qu'adautar, malamente, los nomes de "senyera" y sobre too "ikurriña" pa la bandera d'Asturies. Lo de "asturina" sí creo que sirva pa falar de l'aberración de la bandera ensin les lletres griegues so la Cruz y la estrella bermeya, pero non pa la bandera qu'usamos tolos asturianos y que ye la oficial y que mos representa a toos. Polo tanto, pido, esixo, qu'esi nome de "asturina" nun s'use pa la Bandera d'Asturies, porque ye un nome falsu (y el que cuide que esi nome sí s'usa pa la bandera, que ponga referencies fiables).--Etienfr 03:47, 24 setiembre 2011 (UTC)

Si enantes "esixía" que nun s'use esa aberracion de nome pa la Bandera d'Asturies ye polo que pongo darréu:
1.- L'Estatutu d'Autonomía, nel so artículu 3 onde fala de la bandera (y escudu) pal Principáu d'Asturies, nun da nengún nome pa llamala.
2.- Tampoco nun diz nada nesi sentíu la llei que regula la bandera d'Asturies (Ley 4/90 de 19 de diciembre, BOPA 9 de enero de 1991 [1]).
3.- Diz l'artículu que ye "la más estendida pel pueblu": esceuto n'entornos nacionalistes, y que son mui minoritarios nesti país (véanse los resultaos electorales de les últimes votaciones de mayu 2011), naide nun la usa n'Asturies. Poro, facer d'un nome cuasi desconocíu por tolos asturianos como dalgo que ye "perestendíu" per tola xeografía asturiana, ye falsiar y dar inofrmación incorreuta y, sobre too, parcial y non neutral.
Y ye por esto que-y pido a dalgún alministrador que direutamente borre esta páxina de dixebra, porque nun hai nada que dixebrar. La única bandera que sí pue tener esi nome de "asturina" ye esa "nacionaliega" (que non nacionalista) cola estrella bermeya y ensin les lletres griegues, pero non la d'Asturies.--Etienfr 14:55, 24 setiembre 2011 (UTC)



Cuido que deberíes dexar a un llau les tos convicciones ideolóxiques y aplicar la oxetividá y unes formes más correutes. En primer llugar el nome "d'Asturina" ye un nome que s'aplicó nos años previos a Conceyu Bable, y que per aciu d'esti coleutivu foi espardiéndose esa denomación nos años 70 (a principios de sieglu dábase-y otru nome, l'Azuleste). Recordemos tamién que la bandera asturiana entama a ser colocada polos ayuntamientos por iniciativa d'esti coleutivu en 1979. L'ausencia del alfa y l'omega nesta bandera pues atopala na bandera de Xovellanos de 1808, realmente ye una añadidura que se caltuvo de forma intermitente tomando la referencia de la insinia del Reinu d'Asturies. Per otru llau, l'asturina cola estrella bermeya ye usada por un únicu partíu políticu y sí pienso que nun vaga la pena que tenga una entrada na uiquipedia. Al mio mou de ver, l'articulu debería fusionase col de Bandera d'Asturies, pero dexando claro dientro d'esi artículu qu'Asturina ye un sinónimu emplegáu nún determináu momentu de la historia y afaláu por un determináu coleutivu que sigue en puxu en determinaos ámbitos sociales. Insisto, el fechu de que te paeza una aberración, que te represente o te dexe de representar o demás apreciaciones ye independiente al llabor imparcial que se desenrolla na uiquipedia.--Denis 14:57, 25 setiembre 2011 (UTC)

Pues ye precisamente esa falta d'imparcialidá la que me fixo ser tan vehemente na mio esposición y actuación: sigo diciendo lo mesmo, ¿esi nome d'"asturina" ye la "más estendida pel pueblu" como se diz nesta entrada? Cuido que non, y la imparcialidá ye precisamente esa; amás, ¿ónde ta la referencia p'afirmar y dar por bonu esi datu? Mesmamente, tu das otru nome que se-y dio a la bandera d'Asturies, "azuleste", ¿por qué esi nun s'inclúi tamién? Otru exemplu d'imparcialidá, "esti nome sí lu pongo porque me presta pero esti otru non, que ye más feu...". Non, mira, la bandera d'Asturies nun tien nome, al menos non unu que seya almitíu y conocíu per gran parte de la sociedá a la que representa, independientemente de les sos posiciones y/o convicciones ideolóxiques, polítiques, relixoses, sociales, económiques, etc...; si dalguién quier da-y ún, ye mui llibre, por supuestu, y quiciabes garre col tiempu puxu. Pero güei, eso d'"asturina" pa la bandera d'Asturies, nin s'usa, nin se conoz, nin se reconoz; val, foi Conceyu Bable y con tolo que representó (y sigue representando) los que-y dieron esi nome, y aínda más, los que más usu-y dieron a esi emblema que terminó siendo aceutáu por toos como bandera d'Asturies; pero nel casu del nome, nun foi asina, "nun cuayó". Otra cosa, que yá nun tien que ver con esi nome, y qu'agora duldo, ¿Xovellanos nun incluyía l'alfa y la omega? --Etienfr 16:30, 25 setiembre 2011 (UTC)


Yo nun te toi discutiendo la calidá de artículu, toi encamentádote a que tengas procuru nes formes y na argumentación, qu'han ser ayenes a les convicciones ideolóxiques. Volviendo al tema de la bandera; Azuleste y Asturina son denomaciones de calter históricu, emplegaes por coleutivos qu'asinamesmo ameriten una reseña pola so significación nún periodu concretu, pero que güei son únicamente pronunciaes por persones pertencientes a determinaos ámbitos sociales o políticos normalmente venceyaos al asturianismu políticu. Éstos sinónimos y ésta aclaración ye lo que s'habría de recoyer nel artículu de Bandera d'Asturies. En cuantes a la bandera de 1808, hasta onde yo conozo, Xovellanos encamentó l'usu de la Cruz de la Victoria sobre fondu azul o bermeyu (como la bandera del Reinu d'Asturies), sicasí, quiciabes por mor de la interpretación popular nes illustraciones y documentos de la época nun apecen nin banderes colloraes nin lletres griegues, magar que sí se caltuvieron nel escudu.--Denis 17:36, 25 setiembre 2011 (UTC)


Yá, Denis, pero yo sigo colo mío y tu colo tuyo (o colo que seya, nun me meto) y la casa ensin barrer. Val, dende "les mios posiciones" (por dicilo de dalguna manera), sigo insistiendo en qu'esti datu que pon esta páxina de dixebra ye parcial y non neutral, y tu mesmu contestástime: esi nome d'"asturina" xunto col otru d'"azuleste" son históriques (nel sentíu como vengo d'entendelo de que s'usaron o daquién-y les dio, pero qu'agora nun s'usen más), y qu'amás solo les usen anguaño «persones pertencientes a determinaos ámbitos sociales o políticos normalmente venceyaos al asturianismu políticu» como tu vienes de dicir. Entóncenes, ¿como pue esti nome ser "popular", como se diz nesta entrada? Si ye histórica porque nel pasáu s'usó, y agora ta llimitáu el so usu a ciertos grupos, nada representativos d'Asturies, esi nome nun pue ser "popular" (pa nun discutir sobre semantismos y polisemia, les definiciones del DALLA de "popular" son: "1. Del pueblu. 2 Mui conocíu, mui famosu." Mira, pensaba qu'incluyiría dalgo como "de sistemes d'esquierdes, socialistes, comunistes, marxistes-leninistes-stalinistes-maoístes-ceausesquistes-kimilsunguistes"... pero non); ¿por qué nun s'especifica quién lu usen, y cuándo? Lo dicho, Denis, esta entrada y referencia (como otres tantes) ye parcial y ta redactada dende otros posicionamientos y convicciones que lo único que faen ye mentir y falsiar la realidá, y que nun entiendo por qué siempres nesta wikipedia se fai con elles la "vista gorda". Quiciabes ye por eso nun me preocupo muncho en cómo dicilo. --Etienfr 03:02, 26 setiembre 2011 (UTC)
Vuelvo a dicilo, nun te discuto la calidá del artículu, de fecho yá di una opinión al respeutive dos comentarios atrás. Pon procuru nos argumentos y nes formes, en que la to argumentación nun se cinque a criterios ideolóxicos, asina como nes insinuaciones, porque puen tener consecuencies. Equí nun se fai la "vista gorda", equí se trabaya en función de la nuesa capacidá. Dicho ésto y confiando en que quede aclarao, nun voi volver a repetime.--Denis 16:40, 26 setiembre 2011 (UTC)
Pues chachu, si nun vas discutir la calidá del artículu, nun sé qué discutes nin fales, porque yo precisamente comencé esta páxina d'alderique pa "protestar" por esa calidá que nun tien, por mor de la parcialidá y non neutralidá d'él mesmu. Pues nada, fadremos la "vista gorda" como siempres pa ciertos temes y tal; ea, tamién paso de repitime y repitir siempre lo mesmo. Chau chau!! Ah, y yo nun insinuo nada, digo; y si la mio argumentación ye "ideolóxica", yelo simplemente porque trata d'un aspeutu tamién ideolóxicu, que ye la insistencia en nomar "asturina" a la bandera d'Asturies sistemáticamente cuando cuasi naide nun la llama asina. In fine... Por mio parte, nun pienso dicir nada más al respeutu, nun paga más la pena.--Etienfr 18:44, 26 setiembre 2011 (UTC)
Unes entraes más atrás: "Al mio mou de ver, l'articulu debería fusionase col de Bandera d'Asturies, pero dexando claro dientro d'esi artículu qu'Asturina ye un sinónimu emplegáu nún determináu momentu de la historia y afaláu por un determináu coleutivu que sigue en puxu en determinaos ámbitos sociales." Pero por favor, nun te faigas el roncha y nun dubies n'empobinate al chigre y acusar a los usuarios/alministradores que según tu facemos "la vista gorda", si yes pa xustificalo. Agora habrás d'asumir les consecuencies de facer llevantos a éstos nel casu de se demostrar infundaos.--Denis 20:49, 26 setiembre 2011 (UTC)
Ui, qué bien. Pues mira, pa exemplu, l'artículu, yá borráu, sobro la República Socialista d'Asturies, o dalgo asina; iniciárase una votación, y en principiu hubo una mayoría de xente contra esi borráu: y esti tipu de "vistes gordes" me refiero, artículos ensin nenguna referencia pa xustificar lo que diz y espón y xente a favor del esborráu d'esi artículu, pero que se caltién nesta uiquipedia pol votu encontra, ente ellos, de dalgunos alministradores, mira tu. Al menos, Bar atendió al mio votu posterior y borrólu. Y otru tantu con esti; Mesmamente, ¿pues dar dalguna referencia, como yá pidí, pa poder mirar lo del nome d'"asturina" pa la bandera d'Asturies? Yo yá di dos, l'estatutu y la llei que regula'l so usu y formes, y en nenguna de les dos, normes fundamentales pa tratar sobre la bandera d'Asturies, apaez mención a esi nome. Aínda más, y eso que nun me gusten esti tipu d'argumentaciones, pero voi dátelu igual: si busques la pallabra "asturina" usando'l google (que repito, nun me gusten estos tipos d'argumentos), la primer páxina qu'apaez ye, oh, sorpresa, la wikipedia!! primero la wikipedia n'español, depués esta n'asturianu, otra vuelta n'español, y en cuartu puestu, n'aragonés y llueu el facebook (!!!); depués páxines sobro un tipu de ferre o dalgo asina que tien por nome "asturina". Repito, ¿pues dame dalguna referencia sobre esi nome pa la bandera d'Asturies? Si nun se da nenguna referencia onde se pueda consultar y verificar esi nome, entós, sí, se tará faciendo la vista gorda--Etienfr 21:58, 26 setiembre 2011 (UTC)
¿quies otru exemplu de "vista gorda" que se fai equí normalmente? Va tiempu Brenga pidió nun enllanciar l'artículu de la Ría del Eo a los artículos d'otres wikis que la llamaren "Ría de Ribadeo", y posteriormente vsuarezp decidió candala pa nun poder poner esos interwikis pa evitar la "fola galleguista", (eses foron les sos pallabres, pues lleeles equí). ¿Qué tipu d'actitú ye esa, cuando había wikipedistes que nun taben d'acuerdu con eso? Y amás, ¿con qué argumentu? ¿Qué argumentu yera esi? Ah, que nun se me malinterprete agora, si nun lo fixi entóncenes (acusar d'imparcialidá, como tu me dices que faiga agora nel chigre), nun voi agora a facelo. Póngolo como referencia pa exemplificar eses "vistes gordes". Pasáu añu y mediu siguía candáu, y consideré que yá yera hora de poder desbloquialu, como asina pasó. Pero si nun dixera nada yo entón, güei siguiría candada, ¿o non?--Etienfr 22:25, 26 setiembre 2011 (UTC)

Agradecería que la próxima vegada que daquién me mente, avise na mio páxina pa decatame y poder responder en tiempu y forma... Daquella, la propuesta de Brenga nun tuviera sentíu... yo nun taba al favor de nun enllazar a les otres wikipedies, sicasí, tabemos sufriendo vandalismu pa camuda-y el nome a la so forma gallega, d'ehi lo de "la fola galleguista". Que nun seya afortunada o nun te guste esa espresión, nun-y quita razón al bloquéu. Per otru llau, colos pocos usuarios que tamos activos, nun ye fácil remanar too... Poro, pue ser que'l bloquéu quedare activu más tiempu del necesariu, por escaezu más que por otra cosa... Per otru llau, Etienfr, quiero agradecer el trabayu que tas faciendo d'edición, pero intenta tar un poco menos a la defensiva y echar contra la xente p'afalar un bon clima ente los usuarios ¿ok? --Vsuarezp 17:12, 2 ochobre 2011 (UTC)

Pídote perdón y disculpes, vsuarezp, si te sentisti ofendíu o lo que seya si te mnté ensin consultate, pero la única razón de referime a lo asocedío daquella col artículu de Ría del Eo foi solamente porque Denis me pidiera que dixera dalgún exemplu d'esa "vista gorda" a la que me refería. Como dixi cuando te mencioné (bono, fosti tu como pudo ser cualquier otru alministrador o usuariu, como Brenga) si daquella nun dixi nada (si ye qu'había daqué que dicir), nun voi facelo agora, tres años depués. Repito, la única razón de sacar agora aquello foi pa dar el gustu a Denis sobre los exemplos que me dixo que diera. La espresión qu'usasti, nin me gusta nin me dexa de gustar, nun yera esi'l tema. Y yá sé que somos pocos, y menos alministradores, asina que ye lóxico que dacuando dalgunes coses s'allarguen. Pero voi dexar yá esti tema, que, precisamente, ta allargándose yá demasiao. Repito, la razón de mentate, o meyor dicho, de mentar una situación con un artículu na que, polos motivos que foren, tabes tu, simplemente foi pa exemplificar lo que me pidiera Denis, y coyí esi precisamente porque yo tamién participara nél, nada más. Y con esto, pela mio parte, doi puntu y final a esti alderique,nun voi contestar más nada sobre esto, nun pienso siguir con esti tema, que yá farté. Chau chau!!--Etienfr 19:02, 2 ochobre 2011 (UTC)

Referenciao[editar la fonte]

Hala, yá ta referenciao. Nun veo porqué tantu xaréu a dalgo tan cenciello. Y pena que nun guardo semeyes de cuando la época del Ensame Nacionalista Astur, que sinón xubíales a Commons y enllazábales equí.--Astur (alderique) 21:50 15 och 2015 (UTC)