AM Canum Venaticorum

De Wikipedia
Saltar a navegación Saltar a la gueta
AM Canum Venaticorum
AM Canum Venaticorum
Constelación Canes Venatici
Ascensión reuta α 12h 34min 54,58s
Declinación δ +37º 37’ 43,4’’
Distancia 72 años lluz (aprox)
Magnitú visual +14,18
Magnitú absoluta ?
Lluminosidá ?
Tipu espectral dBp
Otros nomes WD 1232+37 / HZ 29
EGGR 91 / PLX 2900.02

AM Canum Venaticorum (AM CVn)[1] ye una estrella variable na constelación de Canes Venatici asitiada a una incierta distancia de 72 años lluz de la Tierra.[2] El so rellumu varia ente magnitú aparente +14,10 y +14,18 con un periodu de 17,52 minutos.[3]

Historia[editar | editar la fonte]

Catalogada per primer vegada por Humason y Zwicky en 1947,[4] AM Canum Venaticorum foi interpretada en diverses dómines como un quásar, una estrella d'heliu masiva o una subenana pulsante. En 1967 Smak afayó variaciones periódiques fotométriques y propunxo que la estrella realmente ye una variable cataclísmica.[5] Sicasí, el valor exautu del periodu fotométricu variaba cada añu de forma imprevisible, lo qu'implicaba que nun podía corresponder al periodu orbital. El valor del periodu orbital (1028,7325 ± 0,0004 segundos) foi finalmente afayáu en 1998.[6] Güei, AM Canum Venaticorum sigue espertando un gran interés yá que ye l'estáu más tardíu conocíu na evolución d'un sistema binariu.

Variabilidá[editar | editar la fonte]

AM Canum Venaticorum ye'l prototipu de les variables AM Canum Venaticorum, que consisten nun sistema binariu compuestu por dos nanes blanques con un periodu orbital bien curtiu: el periodu orbital d'AM Canum Venaticorum ye de namái unos 17 minutos. Son estrelles riques en heliu ensin traces detectables de hidróxenu, onde la estrella donante ye una estrella compacta rica en heliu y la tresferencia de masa estelar ye dirixida pola perda de momentu angular debida a la radiación de ondes gravitacionales. Estimaciones del ritmu de tresferencia de masa en AM Canum Venaticorum asitien esti valor en redol a 10−9 MSol/añu.[2]

Referencies[editar | editar la fonte]

  1. AM Canum Venaticorum (SIMBAD)
  2. 2,0 2,1 Nelemans, G. (2005): «CVn stars», en The Astrophysics of Cataclysmic Variables and Related Objects, Proceedings of ASP Conference Vol. 330. Edited by J.-M. Hameury and J.-P. Lasota. San Francisco: Astronomical Society of the Pacific, p.27
  3. AM Canum Venaticorum (General Catalogue of Variable Stars)
  4. Humason, M. L.; Zwicky, F.. «A Search for Faint Blue Stars». The Astrophysical Journal 105. p. 85. http://cdsads.u-strasbg.fr/cgi-bin/nph-bib_query?1947ApJ...105...85H&db_key=AST&nosetcookie=1. 
  5. Smak, J.. «Light variability of HZ 29». Acta Astron. 17. p. 255. http://cdsads.u-strasbg.fr/cgi-bin/nph-bib_query?1967AcA....17..255S&db_key=AST&nosetcookie=1. 
  6. Harvey, David A.; Skillman, David R.; Kemp, Jonathan; Patterson, Joseph; Vanmunster, Tonny; Fried, Robert Y.; Retter, Alon. «The Orbital Period of AM Canum Venaticorum». The Astrophysical Journal Letters 493 (2). pp. L105-L108. http://cdsads.u-strasbg.fr/cgi-bin/nph-bib_query?1998ApJ...493L.105H&db_key=AST&nosetcookie=1.